Wednesday, December 28, 2011

அடிமையாக்க பார்க்கிறது மேற்குலகு அதற்கு ஒரு போதும் இடமளியேன் ஜனாதிபதி மஹிந்த புலம்பல்.


news
 புலிகளின் அதே மனோபாவத்துடனேயே தமிழ்க் கூட்டமைப்பினர் உள்ளனர். அவர்களின் கோரிக்கைகளான வடக்கு, கிழக்கு இணைப்பு, பொலிஸ் மற்றும் காணி அதிகாரப்பகிர்வு என்பன நடைமுறைச் சாத்தியமற்றவை. இந்த அதிகாரங்களை வழங்குவதன் மூலம் அவர்கள் என்னைக் கைதுசெய்ய வேண்டும் என்று நினைக்கிறீர்களா? 
 
மேற்குலகம் என்னைத் தங்களின் அடிமையாக வைத்திருக்கப் பார்க்கிறது. அதற்கு நான் ஒருபோதும் இடமளிக்கப் போவதில்லை.இவ்வாறு இந்தியாவில் இருந்து வெளியாகும் டெக்கன் குரோனிக்கல் நாளேட்டின் செய்தியாளர் பகவான் சிங்கிற்கு அலரி மாளிகையில் வைத்து அளித்துள்ள செவ்வியில் மஹிந்த ராஜபக்ஷ தெரிவித்துள்ளார்.
 
மேற்கு நாடுகளில் எஞ்சியுள்ள புலிகள் தான், இலங்கைக்கு எதிராக அடிப்படையற்ற விவகாரங்கள் குறித்து, அங்குள்ள அரசியல் தலைவர்களுக்கு அழுத்தம் கொடுக்கிறார்கள். மேற்கு நாடுகள் காஷ்மீர் தொடர்பாகவும் இலங்கை தொடர்பாகவும் தமது நாடாளுமன்றங்களில் பே_கின்றன. ஆனால் ஆப்கானிஸ்தானிலும், பாகிஸ்தானிலும், ஈராக்கிலும் தாம் என்ன செய்தன என்பதில் மௌனம் காக்கின்றன என்றும் ஜனாதிபதி கூறியுள்ளார்.
 
நன்றி உதயன்.

Tuesday, December 27, 2011

மஹிந்தரின் தற்பெருமைக்கு சங்கரி வைத்த ஆப்பு!


13 ஆவது திருத்தச் சட்டத்தின் கீழ் காணி, பொலிஸ் அதிகாரங்களை வழங்காவிட்டால் இனப்பிரச்சினைக்கு ஒரு நிரந்தரத்தீர்வு காண முடியாது என்று தமிழர் விடுதலைக் கூட்டணி செயலாளர் நாயகம் வீ. ஆனந்தசங்கரி தெரிவித்துள்ளார்.
ஜனாதிபதி மஹிந்த ராஜபக்ஷவிற்கு அவர் எழுதியுள்ள கடிதத்தில் தெரிவிக்கப்பட்டிருப்பவை வருமாறு:
முதலாவதாக நாட்டை ஒரு கொடியின் கீழ் ஒற்றுமைப்படுத்தியுள்ளேன் எனக் கூறுவதை விட்டுவிடுமாறு வேண்டுகிறேன். ஏனென்றால் அதில் உண்மையில்லை.
வடக்கு, கிழக்கு மாகாணங்களில் சில பகுதிகளிலும் முல்லைத்தீவு, கிளிநொச்சி மாவட்டங்களிலும் விடுதலைப்புலிகளின் பிரசன்னமும் அவர்களின் அழுத்தமும் இருந்தபோது இந்த நாட்டின் சகல மாவட்டங்களிலும் அன்றும் இன்றும் அரசால் நியமிக்கப்பட்ட அவ்வப்பகுதி மாவட்ட செயலாளர்கள் மற்றும் பல்வேறு திணைக்களங்களின் தலைவர்களின் நிர்வாகத்திலேயே இருந்து வந்துள்ளது. நாடு என்றும் இணைந்து இருந்தது.
மேலும் இந்த அரசு இன்னுமொரு நாட்டுடன் யுத்தம் புரியவில்லை. ஒரு நோக்கத்தோடு மேற்கொள்ளப்பட்ட மிகப் பெரிய போராட்டத்தை அடக்கியது மட்டுமே. பெருமளவில் உயிர்ச் சேதமும், சொத்தழிவும் ஏற்பட்டன.
ஆனால், வடக்குக் கிழக்கு மாகாணத்தைச் சேர்ந்த மக்கள் குறிப்பாக கிளிநொச்சி, முல்லைத்தீவு மாவட்டங்கள் முற்றாகவும் ஏனைய மாவட்டங்களின் சில பகுதிகள் மிக மோசமாக பாதிப்புக்கு உள்ளாகின என்பதை ஒத்துக் கொள்வீர்கள் என நம்புகின்றேன்.
மூன்று அல்லது நான்கு இலட்சம் மக்கள் சமைக்கவோ, இரவுநேரங்களில் தங்குவதற்கோ போதிய வசதியில்லாத சிறு பிரதேத்திற்குள் நெருக்கி வைக்கப்பட்டமையால் ஏற்பட்ட துன்பங்கள் சொல்ல முடியாதவையாகும்.
இந்த நிலைமை இரண்டு அல்லது மூன்று மாதங்கள் நீடித்தன. தமது பல்வேறு தேவைகளை மேற்கொள்ள இவர்கள் எவ்வளவுதூரம் கஷ்டப்பட்டிருப்பார்கள் என்பதை கற்பனை பண்ணி பார்க்க முடியாது.
அவர்களின் கதைகளைக் கேட்டால் கல்நெஞ்சக் காரர்களையும் கண்ணீர்விட வைக்கும். மேலும் கண்ணீர் விடுவதற்கு கண்ணீரில்லை.
அவர்கள் தங்கள் பிரியமானவர்களை இழந்தனர். சிலர் தமது குடும்பத்தில் உள்ள அத்தனை பேரையும் இழந்தனர். அவர்களுடைய வீடுகள் தரைமட்டமாக்கப்பட்டன.
ஒரு வீட்டிலாவது கூரையில்லை. மீள்குடியேற்றப்பட்ட இரண்டு, மூன்று ஆண்டுகளான பின்பு ஒரு விருந்தினரையோ, ஒரு உறவினரையோ வீட்டில் தங்கவைக்க வசதிகள் ஏதும் இல்லை.
அநேகர் வறுமையில் பசியுடன் போராடுகின்றனர். அவர்களுக்கு எந்தவித வருமானமும் இல்லை. அநேகமான வீடுகளில் பெண்கள் குடும்பத் தலைவியாக செயற்படுகின்றனர்.
வயது வந்த பெண் பிள்ளைகளை கொண்ட தாய்மார்கள் பயத்துடனும், பீதியுடனும் வாழ்கின்றார்கள். வடக்குக் கிழக்கில் 90 ஆயிரத்துக்கு மேற்பட்ட விதவைகள், ஆயிரக்கணக்கான அநாதை பிள்ளைகள் வாழ்கின்றனர்.
நிலைமையில் பெரியளவு மாற்றங்கள் ஏற்படவில்லை. போரில் இறந்த ஒவ்வொருவருக்கும் கல்லறைகள் அமைக்கப்பட்டிருந்தன. அவர்களில் ஆயிரக்கணக்கானோர் பல இடங்களில் அடக்கம் செய்யப்பட்டிருந்தனர்.
இன்று அவற்றில் ஒரு கல்லறைக்கூட இல்லை. நீங்கள் ஒரு தந்தை என்ற முறையில் இறந்த ஒரு மகனின் கல்லறையை இராணுவத்தினர் சிதைத்திருந்தால் அம் மகனின் பெற்றார் என்ற வகையில் மன உணர்வுகளை அறியக்கூடியதாக இருந்திருக்கும்.
தற்போது சண்டை நின்றுவிட்டது. துப்பாக்கிகள் அமைதியாகிவிட்டன. நீங்கள் வெற்றிகரமாக ஒரு புரட்சியை அடக்கிவிட்டீர்கள். அப்புரட்சி மீண்டும் வெடிப்பதற்கான வாய்ப்பு அறவே இல்லை.
இலங்கை இராணுவத்தினர் யுத்தத்தில் வெற்றிபெறுவதற்கான உதவிகள் பல்வேறு நாடுகளிடமிருந்து கிடைத்தன. பல வகையிலும் ஒத்துழைப்பு நல்கிய அனைத்து நாடுகளுக்கும் வெற்றியில் பங்குண்டு.
அவர்களுடைய புத்திமதிகளை நீங்கள் கேட்க வேண்டுமென்ற எதிர்பார்ப்பு அவர்களுக்கு இருக்கக்கூடாதா? அயல்நாடான இந்தியா உதவாமல் இருந்திருந்தால் எமது படைகள் அழிக்கப்பட்டு புரட்சிக்காரர்கள் வெற்றி பெற்றிருப்பர்.
ஒரு நாட்டுக்கு இன்னொரு நாடு உதவுவது போல் ரஷ்யா, சீனா ஆகிய நாடுகள் யுத்தத்தை வெல்வதற்கான உதவிகளை வழங்கின.
அத்துடன் அவை அப்பணியை நிறுத்த வேண்டும். வடக்கில் பல இராணுவ முகாம்கள் அமைத்து இராணுவ தளபாடங்கள் வழங்குவதற்கு எதுவித உரிமையும் கிடையாது.
இச் செயல் பிற்காலத்தில் தங்களுடைய அரசையே கழற்றியடிக்கின்ற வாய்ப்புகளுக்கு வழி கோலும். சீனா, ரஷ்யா போன்ற நாடுகளைப் போல் இலங்கைக்கு உதவிய ஏனைய நாடுகளுக்கு நமது நாட்டின் பிரச்சினைக்கு உரிய தீர்வைக் காண்பதற்கு உதவ தார்மீக கடமை உண்டு.
ஆனால் அவர்களுக்கு இலங்கையிலுள்ள ஒரு குறிப்பிட்ட இனத்தை அரசு அடக்குமுறையின் கீழ் கொண்டுவர உதவக்கூடாது. தற்போது தங்களுடைய முதற்கடமை தமிழ் மக்களின் உள்ளங்களை வென்றெடுப்பதே ஆகும்.
வன்னி மக்கள் தங்களை மீட்டெடுப்பதற்கு அரச படைகளுக்கு நிறையவே உதவியுள்ளனர் என்பதை நீங்கள் மறக்கக்கூடாது. ஆயுதங்கள் மீதான வெறுப்பே இதற்குரிய காரணமாகும்.
வடக்குக் கிழக்கு மக்கள் துப்பாக்கியில்லாத சூழலை உருவாக்கி அமைதியாக, சமாதானமாக வாழ விரும்புகின்றார்கள். தமிழ்த் தேசிய கூட்டமைப்புடன் தற்போது நடைபெறுகின்ற பேச்சு சம்பந்தமாக சில கருத்துக்களைக் கூற விரும்புகின்றேன்.
13 ஆவது திருத்தச் சட்டத்தின் கீழ் காணி, பொலிஸ் அதிகாரப்பகிர்வு புதிய விடயமல்ல. பல தடவைகள் மீண்டும் மீண்டும் பேசப்பட்ட விடயமாகும்.
பதினைந்து சுற்றுப் பேச்சு நடந்து முடிந்தபின் இந்த விடயத்திற்கொரு முடிவு காணாதது ஆச்சரியத்துக்குரிய விடயமாகும். இவ்விரு விடயத்திலும் வடக்குக் கிழக்கில் இராணுவத்தை வாபஸ் பெற வேண்டும் என்ற விடயத்திலும் விட்டுக் கொடுப்புடன் நடந்தால் நீங்கள் உங்கள் கிராமத்துக்கு போக முடியாது என்று நாடாளுமன்றத்தில் ஆற்றிய உரையை நான் படித்தேன்.
தாங்கள் தயக்கம் காட்டுவதற்கு வேறு விசேட காரணங்கள் இருப்பின் நீங்கள் கொள்கையளவில் இவற்றை ஏற்றுக்கொண்டு தாங்கள் காட்டும் தயக்கத்துக்குரிய காரணங்களையும் கவனத்தில் எடுத்து இரு சாராரும் திருப்தியடையக்கூடிய ஒரு முடிவுக்கு வரலாம்.
மேலும் யுத்தம் உச்சக்கட்டத்தை அடைந்திருந்தவேளை 13 ஆவது திருத்தச்சட்டமும் அதற்கு மேலாகவும் தீர்வை வைக்க முன்வந்தனர்.
ஆனால், இன்று யுத்தம் முடிவடைந்த பின் சொன்னவற்றிலிருந்து பின்வாங்கினால் நாடு தன் நன்மதிப்பை இழக்க வாய்ப்பும் ஏற்படும். இந்த அடிப்படையில் ஒரு இறுதியான தீர்வு காண்பதை நியாயமாக சிந்திக்கின்ற எந்தவொரு சிங்கள மகனும் அதற்கு எதிர்ப்புத் தெரிவிக்கமாட்டான் என நம்புகின்றேன்.
ஒன்றை மட்டும் உறுதியாக தெரிவிக்கிறேன். இவ்விரு அதிகாரங்களும் வழங்கப்படாவிட்டால் இனப்பிரச்சினைக்கு ஒரு நிரந்தரத்தீர்வு காண முடியாது.

நன்றி: தமிழ் சி என் என்.

Monday, December 26, 2011

இன்னும் இந்தியாவை நம்பச்சொல்லும் சம்பந்தரின் அறியாமை.

டில்லியின் வலியுறுத்தலை சாதகமாகப் பரிசீலிக்குக!; இந்தியாவின் கருத்தை வரவேற்று அரசிடம் கூட்டமைப்பின் தலைவர் சம்பந்தன் கோரிக்கை
news
அமைதித்தீர்வு முயற்சிகள் குறித்து இந்தியா வெளியிட்டிருக்கும் கருத்துகளைத் தமிழ்த் தேசியக் கூட்டமைப்பு வரவேற்றிருக்கும் அதேசமயம், புதுடில்லியின் இந்த வலியுறுத்தலை இலங்கை அரசு சாதகமான முறையில் பரிசீலிக்க வேண்டுமெனவும் சுட்டிக்காட்டியிருக்கிறது.
நல்லிணக்க ஆணைக்குழுவின் அறிக்கை வெளிவந்தபின்னர் இந்தியா வெளியிட்டிருக்கும் கருத்துகள் தொடர்பில் நேற்று உதயனிடம் கருத்து தெரிவித்த தமிழ்த் தேசியக் கூட்டமைப்பின் தலைவர் இரா.சம்பந்தன், இந்த முக்கியமான சந்தர்ப்பத்தில் இந்தியாவின் கருத்துகள் உள்வாங்கப்படவேண்டியதன் அவசியத்தை வலியுறுத்தினார். 
அவர் மேலும் கூறியவை வருமாறு:
இந்திய வெளிவிவகார அமைச்சின் பேச்சாளரால் வெளியிடப்பட்ட இந்த அறிக்கையை நாம் வரவேற்கிறோம்.  அதில் சில முக்கியமானவிடயங்கள் உள்ளடக்கப்பட்டுள்ளன. முதலாவதாக, மனித உரிமை மீறல்கள் தொடர்பில் நம்பகத்தன்மையான  வெளிப்படையான விசாரணைகள் தேவையென அவர்கள் கூறியிருக்கின்றனர். இது மிகவும் அவசியமானது. அதனை நாங்கள் வரவேற்கிறோம்.
இரண்டாவதாக, அர்த்தபுஷ்டியான அரசியல் அதிகாரப்பகிர்வு நடைபெறவேண்டுமெனக் கூறியுள்ளது. அவ்விதமான சாத்தியப்பாடான அதிகாரப்பகிர்வு இடம்பெறும்போதே நிதர்சனமான ஒரு நல்லிணக்கம் ஏற்படும். அதையும் நாம் வரவேற்கிறோம்.மூன்றாவதாக, இலங்கை அரசின் வாக்குறுதிகள் குறிப்பாக, இடம்பெயர்ந்த மக்களின் வாழ்வில் இயல்புநிலை திரும்புவதற்கும், யுத்தமற்ற சூழலில் அவற்றை நிறைவேற்ற அளித்த வாக்குறுதிகள் இலங்கை அரசால் நிறைவேற்றப்படவேண்டும். இதனையும் நாங்கள் வரவேற்கின்றோம்.
இந்தியாவின் இந்த அறிக்கையைப் பொறுத்தளவில் தமிழ் மக்களின் முக்கியமானதும், அத்தியாவசியமானதுமான தேவைகள் உள்ளடக்கப்பட்டுள்ளன. இந்தியா எமது விடயத்தில் நீண்டகாலமாக முக்கிய பங்கு வகிக்கும் ஒரு தரப்பாகும். தீர்வு முயற்சியில் இந்தியாவின் ஒத்துழைப்பு, அரசுக்கும் தமிழர்களுக்கும் தேவை. அந்த முயற்சியினூடாக நியாயமான  விசுவாசமான ஒரு தீர்வையே நாங்கள் எதிர்பார்க்கின்றோம். இந்தியாவின் இந்தக் கருத்தைச் சாதாரண ஒரு விடயமாக எடுத்துக்கொள்ளாமல் இலங்கை அரசு சாதகமாகப் பரிசீலிக்கவேண்டும். நிரந்தரமான அரசியல் தீர்வை எட்டும் முயற்சிகளுக்கு தமிழ்த் தேசியக் கூட்டமைப்பின் ஒத்துழைப்பு நிச்சயம் கிடைக்கும்.என்று குறிப்பிட்டார் தமிழ்த் தேசியக்  கூட்டமைப்பின் தலைவர் இரா.சம்பந்தன்.

Saturday, December 24, 2011

அதிகாரங்கள் எதையும் பகிர்ந்தளிக்க முடியாது. சிங்கள அரசு.




 மைதி தீவாக இருந்த இலங்கை அமைதியிழந்து யுத்தபூமியாக மாறியதற்கான அடிப்படை காரணம் வந்தேறு குடிகளான சிங்களஏகாதிபத்திய அரசியல்வாதிகளின் அடக்குமுறை என்பதுதான் கசப்பான வரலாறு.

நாட்டின் சொந்த பூர்வீக தேசிய இனமான தமிழர்களுக்கு சிறுபான்மை என ஒரு திணிக்கப்பட்ட அடக்குமுறைச்சட்டமும். வந்தேறிகளான சிங்களவர்கள் பெருகிவிட்டதால், பெரும்பான்மை என்ற ஏகபோக சட்டமும் காலாகாலமாக கடைப்பிடிக்க முற்பட்டதால் முறுகல் நிலை உருவானது.

தொடர்ந்து வந்த பேச்சுவார்த்தைகள் பேரினவாத சிங்கள இனவாதிகளால் மதிக்கப்படாததால் தமிழர்கள் ஆயுதம் தூக்கவேண்டிய துரதிஷ்டமும் ஈடேறியது.

2009 மே ஒரு பெரிய இனப்படுகொலையுடன் தமிழர்கள் மீண்டும் அடக்கப்பட்டனர். சுமூகமான ஒரு அமைதி அந்தநாட்டில் விளையவேண்டுமென்றால் அங்கு நிலவிவரும் அடிமைத்தளை களையப்படவேண்டும். மக்களின் உரிமைகள் அனைத்தும் மதிக்கப்பட்டு சமத்துவம் நிலைநிறுத்தப்படவேண்டும்.

சிங்கள தலைமைகள் நெருக்கடியான காலகட்டங்களில் சந்தற்பவாதமாக ஒரு பேச்சும், நெருக்கடிகள் சற்று விலகியதும் பழைய வக்கிரத்தை விட்டு விலகாத ஏமாற்றும் கதையும் தொடர்ந்து வருகிறது.

தமிழர்கள் தாம் சிங்களவர்களோடு இணைந்து வாழமுடியாது என்பதை பல்லாண்டுகால பட்டுணர்வின் அடிப்படையில் நியாயபூர்வமாக தரவுகளுடன் பதிவுசெய்துள்ளனர்.

ஆனால் சிங்கள அரசுத்தலைவர் மஹிந்த ராஜபக்க்ஷ இனப்படுகொலை குற்றத்திலிருந்து தப்பும் நோக்குடன். தாம் ஒரு நியாயமான தீர்வுத்திட்ட பேச்சுவார்த்தை நிலைக்கு வந்துவிட்டதாக உலகத்திற்கு வாக்குமூலம் கொடுத்து  ஏமாற்றியிருக்கிறது.

சிங்கள அரசியல்வதிகளின் சந்தற்பவாத வித்தையை நம்பிய சர்வதேசமும் பேச்சுவார்த்தை மூலம் பிரச்சினைக்கு தீர்வுகாணும்படி ஒத்துழைக்க முற்படும் தருணத்தில் சிங்களம் மீண்டும் தனது சுயரூபத்தை காட்டியிருக்கிறது.

"தமிழர்கள் வாழும் வடக்கு கிழக்கு மாகாணங்களுக்கு பொலிஸ், காணி அதிகாரங்களைத் பிரித்து தரமுடியாது அந்த அதிகாரங்களை வலியுறுத்தும் தமிழ்த் தேசியக் கூட்டமைப்புடன் பேச்சு நடத்துவதில் பயன் ஏதும் இல்லை என்றும் சிங்கள அரசு தெரிவித்துள்ளது". 

தமிழர் சிங்களவர்களுக்கிடையிலான பேச்சுவார்த்தையின் முக்கிய அம்ஷமே ஆட்சி அதிகாரத்துலுள்ள சிக்கல் தீரவல்ல கல்வி, காணி, சிவில் பாதுகாப்பு போன்றவற்றை பகிர்ந்தளிப்பதுதான் முடிவாக அமையும்.

வடக்கு கிழக்கு வாழ் தமிழ் மக்கள் சிங்கள ஆட்சியாளர்களின் ஆட்சியின்போது தொடர்ச்சியாக கல்வி, காணிப்பங்கீடு, சிவில்ப்பாதுகாப்பு. ஆகியவற்றில் மிகவும் மோசமாக பாதிக்கப்படுள்ளனர். எனவே ஆகக்குறைந்தது அந்த மூன்று அதிகாரங்களவது தமிழர் கைகளில் இல்லையெனில் தமிழர்கள் மனிதர்களாக இலங்கையில் வாழமுடியும் என்பதற்கு எந்த உத்தரவாதமும் இல்லை. எனவே அந்த அதிகாரங்கள் வழங்கப்படாத ஒரு தீர்வு தேவையே இல்லை என்று கூட்டமைப்பு கூறியிருக்கிறது.

இலங்கையில் தமிழர்களுக்கான ஆட்சி அதிகாரம் பகிர்ந்தளிக்காவிட்டால். இன்று இராணுவ அடக்குமுறையினால் நிலமையை மூடிமறைத்தாலும் அடுத்துவரும் சந்ததி வேறொரு உபாயத்தை பயன்படுத்தி மீண்டுமொரு விடுதலைக்கான போராட்ட வித்தையை தோற்றுவிக்கும் என்பது எதிர்காலத்தில் தெரியவரும்.

Tuesday, December 20, 2011

இதை எவரிடம் முறையிடுவது?


இப்போ நான் புலம்பெயர்ந்து வசதியாக வாழ்ந்தாலும் ஈழம் எனக்குத்தான் சொந்தம்!...

எவ்வளவுபேர் போட்டிக்கு வந்தாலும் போராட்டம் எனக்குத்தான் சொந்தம்!...

ஆனால் கீழேயுள்ள காணொளி காட்சிகளை கவனிக்கக்கூட எனக்கு நேரமில்லை!...



Monday, December 19, 2011

சர்வதேச விசாரணை வளையத்தை நோக்கி நகரும் இனப்படுகொலை சூத்திரதாரி, ராஜபக்க்ஷ.

 

ஐநாவின் தயாரிப்பில் வெளிவந்த நிபுணர்குழுவின் அறிக்கைக்கு போட்டியாக, ஸ்ரீலங்கா சிங்களத் தயாரிப்பாளர்களால் தயாரிக்கப்பட்டு வெளிவந்த "ராஜபக்க்ஷ நல்லிணக்க ஆணைக்குழு"வின் தும்மல் அறிக்கை, டிச 16 அன்று ஸ்ரீலங்காவின் பாராளுமன்றத்தில் அதன் இயக்குனர்களால் சம்பிரதாயபூர்வமாக அங்குரார்ப்பணம் செய்துவைக்கப்பட்டிருக்கிறது.
சில நாட்களின் பின் அறிக்கையின் பிரதி உத்தியோகபூர்வமாக நண்பன் இந்தியாவிலும் சர்வதேச அரங்கின் சில இடங்களிலும், பெருமையுடன் வெளியிடப்படும் என நம்பப்படுகிறது.

போர்க்காலங்களில் களத்தில் அரசபடையினர் அத்துமீறிய ஒரு  நிகழ்வையாவது  அறிக்கை வெளிக்காட்ட விரும்பவில்லை. முற்றுமுழுதாக ஜனாதிபதி நலன் காக்கும் கவசமாக, நியாயப்படுத்தல் வாக்குமூலமாக அறிக்கை வரையப்பட்டிருக்கிறது. போரின்போது தவறிழைத்தவர்களை இனங்காணமுயலும் ஆராய்வாக எந்த அம்ஷமும் அறிக்கையில் காணப்படவில்லை.

போரின்போது மரபுமீறி இராணுவம் போர்க்குற்றம் புரிந்திருக்கிறது என்றும், மனித உரிமையை மீறும்வண்ணம் தடைசெய்யப்பட்ட ஆயுதங்கள் பாவிக்கப்பட்டிருக்கின்றன என்பதையும், ஐநாவின் நிபுணர்கள் குழுவின் அறிக்கை ஒப்புக்கொள்ளுகிறது. போரின்போது பாதிப்புக்குள்ளான தனிமனிதர்கள். அமெரிக்காவிலும், அவுஸ்த்திரேலியாவிலும், இங்கிலாந்திலும் வேறு பல தேசங்களிலும் ராஜபக்க்ஷமீதும் இராணுவத்தினர்மீதும் வழக்குக்கள் தாக்கல் செய்திருக்கின்றனர். அந்நாட்டு நீதிமன்றங்களும் அவைகளை ஏற்றுக்கொண்டிருக்கின்றன.

ஸ்ரீலங்காவின் இனப்படுகொலையாளிகளை சர்வதேச குற்றவியல் நீதிமன்றத்தில் நேரடியாக நிறுத்தக்கூடிய முகாந்திரம் இல்லாததனால், குற்றஞ்சாட்டப்பட்ட தரப்பினர்மீது ஐநாவின் கண்காணிப்பில் உள்ளூரிலேயே நீதிவிசாரணைகளை நடத்தி, குற்றவாளிகளுக்கு தண்டனை வழங்கும்படி ஐநா. ஸ்ரீலங்காவுக்கு அறிவுறுத்தியிருந்தது. அந்தப்பின்னணியில் அவசரமாக் பிறந்தது ஜனாதிபதியின் நல்லிணக்க ஆணைக்குழு. 

ஜனாதிபதி ராஜபக்க்ஷவின் தனிப்பட்ட நல்வாழ்வுக்காக, சர்வதேசத்தை ஏமாற்ற அமைக்கப்பட்ட அக்குழு, தமிழினம் எதிர்பார்த்தவண்ணம் எந்தச்சந்தர்ப்பத்திலும் போர்மரபுகளை இராணுவத்தினர் மீறியிருக்கவில்லை. இராணுவம் குற்றமற்றது என்று திட்டவட்டமாக தீர்ப்பு வழங்கியிருக்கிறது.

ஸ்ரீலங்கா நாட்டின் முப்படைகளின் தளபதியான ராஜபக்க்ஷவை காப்பாற்ற தயாரிக்கப்பட்டிருக்கும் அவ்வறிக்கையின் காட்சிகள் அனைத்தும், ராஜபக்க்ஷவை காப்பாற்றுவதற்காக முற்று முழுதாக உண்மைக்கு புறம்பாக புனையப்பட்டு, அரசாங்கத்தின் மனநிலையை அப்பட்டமாக நியாயப்படுத்தும் ஒருதலைப்பட்ட பரிந்துரையாக எழுதப்பட்டிருக்கிறது. தவிர, நிலவரத்தை பகுப்பாய்வு செய்து பாகுபாடற்ற வெளிப்படையான உண்மைத்தன்மை கொண்ட விசாரணை அறிக்கையாக அது இல்லை.

பாதிக்கப்பட்ட தமிழர்களிடமிருந்து கிடைக்கப்பெற்ற முறைப்பாடுகளுக்கு முறையான பதில் எதுவும் எந்த பந்தியிலும் காணப்படவில்லை. அனைத்து எதிர் முறைப்பாடுகளுக்கும் ஒருதலைப்பட்ஷ நியாயப்படுத்தல்கள் மூலம் அரசாங்கத்தின் அவலத்தை தூக்கி நிறுத்த அறிக்கை பிரயத்தனப்பட்டிருக்கிறது.

இலங்கை இராணுவத்தினால் புரியப்பட்ட மோசமான போர்க்குற்றங்கள் தொடர்பாக பாதிக்கப்பட்டவர்களுக்கு பொறுப்புக் கூறுவதற்கு முன்னேற்றமான நடவடிக்கைகளை மேற்கொள்ள நல்லிணக்க ஆணைக்குழுவின் 400 பக்க அறிக்கையினால் நியாயபூர்வமாக எந்தப்பயனும் ஏற்படப்போவதில்லை. என நியுயோர்க்கை தளமாக கொண்ட மனித உரிமைகள் கண்காணிப்பகம் தெரிவித்துள்ளது.

போரின்போது போராளிகளின்மீது மரபுமீறி நச்சு ஆயுதங்களை பாவித்ததை ஒருபுறம் தள்ளிவைத்தாலும், பொதுமக்களின்மீது இராணுவம் புரிந்த அத்துமீறல்கள். சரணடைந்த போராளிகள்மீது நடத்தப்பட்ட மிருகத்தனமான சித்திரவதை படுகொலைகள். வீடியோ காட்சிகளும்  இராணுவத்தினரின் கைபேசிகளில் பிடிக்கப்பட்ட நிழல்ப்படங்களும்  தொகுக்கப்பட்டு சனல்4 தொலைக்காட்சி ஆவணப்படமாக உலகம் முழுவதும் தரிசிக்கும் வண்ணம் பகிரங்கமாக போர்க்குற்றத்தை அம்பலப்படுத்தியது.

அந்த ஆவணப்படத்தில் இடம்பெற்ற காட்சிகளை தொழில்நுட்ப ரீதியாக ஆய்வுக்குட்படுத்தி அவை உண்மையானவை தான் என்று ஐநாவும் ஏற்றுக்கொண்டிருக்கிறது. ஆனால் ராஜபக்க்ஷவின் ஆணைக்குழு அவை நம்பகத்தன்மையில்லாதவை என வழமைபோல் நிராகரித்திருக்கிறது.

நிராகரிப்பதற்கு எதிர்த்தரப்புக்கு பூரண உரிமையிருந்தாலும், அவை வாய்ச்சொல்லாகவோ எழுத்துமூலமாகவோ விதண்டா வாதமாக எதிர்ப்பதை விடுத்து அறிவியல் ஆதாரபூர்வமாக நிரூபிக்கவேண்டிய பொறுப்பும் அந்தத்தரப்பினருக்கு இருக்கிறது.

சர்வதேசமயப்பட்டிருக்கும் ஒரு இனப்படுகொலை விடயத்தை இலேசுவில் நீர்த்துப்போகச்செய்யலாம் என குற்றவாளிகள் மட்டமாக நினைத்து ஏமாற்றுவேலைகளில் ஈடுபடுவது ஒருகட்டத்தில் சர்வதேசத்தின் எரிச்சலுக்கு இட்டுச்செல்லும். ராஜபக்க்ஷ தரப்பினரின் இந்த உத்தி ஒரு இடைவெளியையும் காலதாமதத்தையும் பெற்றுக்கொடுக்க உதவலாமே தவிர ஒருபோதும் வெற்றியளிக்கப்போவதில்லை. சர்வதேசமும் இதற்கு ஒத்துப்போகும் என நம்பமுடியாது.

குற்றவாளியிடமே குற்றத்தை விசாரணை செய்யும்படி பணித்தால் குற்றத்தை நியாயப்படுத்துவதற்கே குற்றவாளி முயலுவான் என்பதுதான் யதார்த்தமான உண்மை. இருந்தும் சர்வதேசம் குற்றவாளியிடம் குற்றத்தை விசாரிக்க ஒப்புக்கொடுத்திருந்தது. இருந்தும் சில சங்கடங்களை கடப்பதற்கான தந்தரமாகவே சர்வதேசம் இந்த பொறிமுறையை ஸ்ரீலங்கா அரசாங்கத்தின் முன் விரித்திருப்பதாகவும் எண்ணுவதற்கான நியாயங்களும் புறக்கணிப்பதற்கில்லை.

இராணுவத்திலுள்ள "ஒருசிலரின் தவறான செயற்பாட்டினால் இராணுவத்தின் நற்பெயருக்குக் களங்கம் ஏற்பட இடமளிக்கலாகாது" என்று, நல்ல இலக்கிய வசன நடையுடன் ஒப்புக்கு ஒரு பதம் அறிக்கையில் இணைக்கப்பட்டிருக்கிறது. இந்த  வஞ்சகமான வசனத்திலிருந்து,   தந்திரமாக சில இராணுவத்தினரை தப்புச்செய்தவர்கள் என தெரிவுசெய்து, தண்டனைக்குட்படுத்துவதுபோல் காட்டி போர்க்குற்றத்திலிருந்து ராஜபக்க்ஷ தரப்பு தப்பிப்பதற்கு உபாயம் தேடுவது தெரிகிறது.

இந்தக் குற்றச்சாட்டுக்கள் குறித்து விசாரணை நடத்தி அதில் எவராவது குற்றம் இழைத்துள்ளார்கள் என்று நிரூபிக்கப்பட்டால்  அவர்களுக்கு எதிராக வழக்குத் தொடர்ந்து தண்டனை வழங்குவது அரசின் கடமை என்று நீதிதவறாத வேத வசனத்தையும் ஆணைக்குழுவின் மூலம்  உலகத்தை ஏமாற்ற கையாளப்பட்டிருக்கிறது

தான் தப்பிப்பதற்காக இந்த தந்திரத்தின் மூலம் சில பல இராணுவத்தினரை காவுகொடுக்கவும் முப்படைத்தளபதியான ராஜபக்க்ஷ பின்னிற்க மாட்டார் என்பதும் மறுப்பதற்கில்லை. அத்துடன் சில இராணுவ சிப்பாய்களை குற்றவாளிகளாக்கி நீதிமன்றத்தில் நிறுத்தி வழக்கை முடிக்காமல் தொடர்வதன் மூலம் பலவருடங்களை கடந்துவிடலாம் என்பதும் சிங்கள அரசின் தந்தர உத்தியாக நம்பலாம்.

போர் நடந்துகொண்டிருந்த காலத்திலும் சரி, முடிவுக்கு வந்தபின்னும் சரி, இராணுவத்தரப்பும் அதே தரப்பைக்கொண்ட அரசாங்கமும் போர்க்குற்றம் எதுவும் இலங்கையில் இடம்பெறவில்லையென்றே சாதித்து வந்திருந்தது. சர்வதேச இறுக்கம் அதிகரிக்க அதிகரிக்க மெல்ல மெல்ல காட்சிகள் மாறிக்கொண்டேயிருக்கின்றன. ராஜபக்க்ஷ நலன் காக்கும் அறிக்கையை உலகம் எப்படி எடுத்துக்கொள்ளுகிறது என்பதைப்பொறுத்து அடுத்த காட்சி மாற்றத்தை சர்வாதிகாரி ராஜபக்க்ஷ ஈடேற்றுவார்.

போர் மரபுகளை மீறி ஒருபோதும் தாக்குதல் நடத்தியிருக்கவில்லையென நல்லிணக்க ஆணைக்குழுவின் அறிக்கையை பயன்படுத்தி  திடமாக தெரிவிக்கப்பட்டிருக்கிறது. அக்கருத்தின்படி நோக்கினால் இறந்தவர்கள் அனைவரும் தாமாகவே எரிகுண்டுகளை இயக்கி அதற்குள் குடும்பம் குடும்பமாக விழுந்து இறந்திருக்கவேண்டும் என்றமுடிவுக்கு மட்டுமே எவராலும் வரமுடியும்.

விடுதலைப்புலிகள் வேறு, மக்கள் வேறு என்று சொல்லிவந்த அரசாங்கம் பலநாடுகளின் கூட்டத்தை ஒன்றாக்கி போரை நடத்தியது. வல்லமை இருந்திருந்தால் அந்தளவுக்கு ஆள் அம்புகளை சேகரித்து போர் புரிந்த அரச இராணுவம் விடுதலைப்புலிகளை இனங்கண்டு மக்களை பாதிப்புக்குள்ளாக்காமல் போரில் விடுதலைப்புலிகளை வென்றிருக்கவேண்டும்.

ஒரு பேச்சுக்கு எடுத்துக்கொண்டால் விதி மீறப்படவில்லை என சாதிப்பவர்கள். இறுதிப்போரில் பத்தாயிரம் போராளிகள் கொல்லப்பட்டிருந்தால், இரண்டு இலட்சத்திற்கு மேற்பட்ட பொதுமக்கள் எப்படி கொல்லப்பட்டனர் என்பதையும் தெளிவுபடுத்தியிருக்கவேண்டும். போருக்கு ஆதரவு தெரிவித்த சர்வதேசம் ஒருபோதும் மக்களை அழிக்கும்படி சொல்லியிருக்கவில்லை. போரின்போது ஸ்ரீலங்கா அரசுக்கு ஆதரவாக நின்ற சர்வதேசம் இன்று மரபு மீறிய படுகொலைகளை ஏற்றுக்கொள்ள முடியாது என்று விசாரணை செய்ய தொடர்ந்து வலியுறுத்துகிறது.

ஸ்ரீலங்கா அரசின் கோரிக்கைக்கு சம்மதித்து விடுதலைப்புலிகள் இயக்கத்தை தடைசெய்த இந்தியா, தவிர்ந்த ஏனைய நாடுகள், விடுதலைப்புலிகளுக்கு ஆதரவான தமிழர்களின் நடவடிக்கைகளை ஒருசந்தற்ப்பத்திலும் தடைசெய்யவில்லை. தேசியக்கொடியான புலிக்கொடியை பிடித்து அனைத்துநாடுகளிலும் மக்கள் போராட்டம் நடத்தினர்.

அப்படிப்பார்க்கும்போது விடுதலைப்புலிகள் ஆயுதம் தூக்கி போராடியதை மட்டுமே ஏதோ காரணத்திற்காக சர்வதேச நாடுகள் அவ்வளவாக விரும்பவில்லை என்பது தெரிகிறது. தேசியக்கொடியை கையில் ஏந்திய மக்கள், இரவு பகலாக மேற்குநாடுகளின் வீதிகளில் ஆயுதம் தூக்காத விடுதலைப்போராட்டமாக விடுதலைப்புலிகளின் போராட்டத்தை ஆதரித்து நின்றதை எந்தநாடும் தடுக்கவில்லை.

அந்த நேரங்களில் அந்தந்த நாட்டு பொலிசார் கடும் குளிரையும் பொருட்படுத்தாமல் போராட்ட மக்களுக்கு பாதுகாவலாக  நின்றிருக்கின்றனரே தவிர எவரையும் கைதுசெய்திருக்கவில்லை.அப்படியென்றால் விடுதலைப்புலிகளின் முத்திரை இலச்சினை பொறித்த கொடியும் விடுதலைப்போராட்டமும் சர்வதேசத்தால் அங்கீகரிக்கப்பட்டிருக்கிறது என்பதுதானே நிதர்சனம்.

விடுதலைப்புலிகளின் மதியுரைஞர் அண்ணன் அன்ரன் பாலசிங்கம் அவர்கள், தொடர்ந்து இங்கிலாந்தில் வசிக்க பிரித்தானிய அரசு எந்தத்தடையும் பிரயோகிக்கவில்லை. அரசியற்பொறுப்பாளர் தமிழ்ச்செல்வன் மற்றும்பலர் பேச்சுவார்த்தைக்கு உலக நாடுகளுக்கு சென்றபோது எவரையும் இக்கட்டாக்கும் நெருக்கடிகளை சர்வதேசம் செய்திருக்கவுமில்லை.

இன்றுகூட போராட்டத்தை தாங்கி நிற்பவர்கள் அனேகர் இலங்கைக்குள் இல்லை. போர்க்குற்றவாளி ராஜபக்க்ஷ கூட்டத்தை பிடித்துக்கொடுப்பதற்கு கையில் சுருக்கு கயிற்றுடன் திரிபவர்கள் அனைவரும் நாட்டுக்கு வெளியில் மேற்குநாடுகளில் பகிரங்கமாகவே நின்றுகொண்டிருக்கின்றனர். இணையத்தளங்கள், பதிப்பு மற்றும் காட்சி வானொலி ஊடகங்கள் அனைத்தும் புலம்பெயர் நாடுகளில் சட்டத்துக்குட்பட்டு போராட்டத்தை ஆதரித்து இயங்கிவருகின்றன. இதையும்  சர்வதேசம் தெரிந்துகொண்டே அனுமதித்திருக்கிறது.

சிங்களவர்கள் 1980 கள் முடிவதற்குள் முழுத் தமிழினத்தை அழித்திருக்கவேண்டும். இன்று மிக மிக காலதாமதமாகிவிட்டது. ஈழத்தின் வேர் ஈழத்தில் மட்டுமல்லாது சகல தேசத்திலும் பரவிவிட்டது. இனி   இனப்படுகொலை சூத்திரதாரிகளை சர்வதேசமும் சர்வதேசத்திலுள்ள ஈழத்தின் வேர்களும் விட்டுவிடப்போவதில்லை.

ராஜபக்க்ஷ ஆணைக்குழுவின் அதிகார வரம்பு மற்றும் இதன் பயன் குறித்து எழுந்த ஐயப்பாடுகள் காரணமாக அம்னெஸ்ட்டி இன்டர்நேஷனல், ஹியூமன் ரைட்ஸ் வாட்ச், உள்ளிட்ட மனித உரிமை அமைப்புக்கள் இந்த ஆணைக்குழுவின் அமர்வில் பங்கு கொள்ள மறுத்துவிட்டன. மனித உரிமை கண்காணிப்பகம் சிபார்பு செய்வதுபோல சுதந்திரமான அனைத்துலக விசாரணைக்குழுவின் தேவையை இது உணர்த்துவதாக உள்ளது.

உலகநாடுகள், அனைத்துலக விசாரணை தேவை என்ற நிலையெடுப்பதற்கு  ராஜபக்க்ஷ தரப்பால் புனையப்பட்ட நல்லிணக்க ஆணைக்குழுவின் அறிக்கையும் ஒரு அசைவாக்கத்தை நிச்சியம் உண்டுபண்ணும்.

ஈழதேசம் இணையத்திற்காக.
கனகதரன்.

Friday, December 16, 2011

தன்வினை தன்னைச்சுடும்.


கூத்தாடி குசும்பன்.

முல்லை பெரியாறு அணை விவகாரம் தமிழக விவசாயிகளின் உரிமைப்பிரச்சினை. தென்மாவடங்களில் இயற்கையாலும், அரசியற் செயற்கையாலும் காவுகொள்ளப்பட்டு நொடித்து நொந்துபோய் வாழ்வா சாவா என துவண்டுபோய்க்கிடக்கும் பல இலட்சம் விவசாயிகளின் உயிரினும் மேலான வாழ்வாதாரப்பிரச்சினை.

அம்மக்களுக்கு இப்படி ஒரு சூழ்நிலை வருவதற்கு அடிப்படையே தொலைநோக்கற்ற நரம்பில்லாத அரசியல் வியாதிகளின் பச்சோந்தித்தனமான சுயநலம் என்பதை எவரும் மறுக்கமுடியாது.

தமிழகத்து அரசியல்வியாதிகள் சோரம்போன தன்மையால் உச்ச நீதிமன்றத்தால் வழங்கப்பட்ட தீப்பை, உடனடியாக கறாராக மத்திய அரசுக்கு கட்டளையிட்டு கேட்டுவாங்கி அமூல்ப்படுத்த முடியவில்லை. காலங்கடந்ததால் இன்று நிலமை கைமீறிப்போய்க்கொண்டிருக்கிறது. அரசியல் அரசியலாகவே தீட்டப்படுகிறது, ஆனால் மக்கள் கடை நிலைக்கு தள்ளப்பட்டுள்ளனர்.

தமிழகத்திலிருந்து டில்லி சென்று நடுவண் அரசுக்கு முண்டுகொடுக்கும் பச்சோந்திகள். நாட்டு நலனை மனதில்க்கொண்டு டில்லிக்கு சென்றது கிடையாது. டில்லிக்கு போனத்தும் போகாததுமாக அனைத்தையும் துறந்து தூர வீசிவிட்டு, எண்சாண் கிடையாக கிடந்து கொள்ளையடிப்பதற்கு பசையுள்ள மந்திரிப்பதவிகளை கோருவதிலேயே குறியாக இருந்திருக்கின்றனர்.

எந்தத்தகுதியும் இல்லாமல் ஊழல் மட்டுமே குறியான இவர்கள் அடிமைச்சாசனம் எழுதிக்கொடுத்து மந்திரிப்பதவிகளை பெற்றதும் வாய் திறக்கமுடியாத தலையாட்டி பொம்மைகளாக மாறிவிடுகின்றனர். 

இறுதியாக அந்த இடத்தில் சம்மணமிட்டிருந்து டில்லிக்கு கூட்டத்தை தெரிவுசெய்து அனுப்பிவிட்டு நீலிக்கண்ணீர் வடித்து ஒவ்வொரு நெருக்கடியான சந்தற்ப்பத்திலும் மிக சாதுரியமாக ஒப்பாரி வைத்து மக்களை ஏமாற்றிக்கொண்டிருப்பவர் தமிழ்நாட்டின் மிகப்பெரிய அழுக்கனான காண்டாமிருகம் கருணாநிதி.

ஆடான ஆடெல்லாம் ஏதேதோவுக்கெல்லாம் அல்லோலப்பட, சப்பாணியான சொத்தியாடு, மறைந்த சூரியன் தனது கோரிக்கையை ஏற்றுக்கொண்டு திரும்பி வரும்வரை முலைகுடியேன் என்று சபதமிட்டு சாகும்வரை உண்ணமாட்டேன் என ஒற்றைக்காலில் நின்று யாகம் செய்ததாம்.

அதுபோல முல்லை பெரியாறு பிரச்சினையில் கண்ணாயிரம் கருணாநிதி தனது பங்குக்கும் ஒரு அறிக்கையை விட்டு கண்ணீர்விட்டு அழுதிருக்கிரார். அதன் விபரம்:

1.கேரளாவில், தமிழர்கள் மீது கட்டவிழ்த்துவிடப்பட்டுள்ள வன்முறையை கட்டுப்படுத்த, ஜனாதிபதி பிரதிபா பாட்டீல் தலையிட வேண்டும்.???????.....!!!!!!!(சிரிப்புத்தான் வருதுங்க.)

2,காலங்காலமாக குடியிருந்து வந்த நூற்றுக்கணக்கான தமிழர்கள், சில சமூகவிரோத சக்திகளால் வெளியேற்றப்பட்டுள்ளனர். கேரளா எல்லையில் குடியிருந்து வரும் தமிழர்களின் சொத்துக்கள் மற்றும் உடைமைகள் மீது கல்வீச்சு சம்பவங்களும், தீக்கிரையாக்கும் செயல்களும் நடப்பதாக, அம்மாநிலத்தின் பல்வேறு பகுதிகளில் இருந்து புகார்கள் வந்துகொண்டிருக்கின்றன.

கேரளாவையே தங்களது தாய் மண்ணாகக் கருதி, நீண்ட நெடுங்காலமாக அங்கேயே வாழ்ந்துவரும் தமிழர்கள், "தமிழகத்துக்கு திரும்பச் சொல்லி நெருக்கடி கொடுத்தால் தற்கொலை செய்துகொள்வோம்' என எச்சரிக்கும் அளவுக்கு, நிலைமை சென்றுவிட்டது.!!!!!!!!!!!!!!(எவ்வளவு கரிசினை)

3,இப்பிரச்னையில் நீங்கள் நேரடியாகவும், உடனடியாகவும் தலையிட்டு, கேரளாவில் வாழும் தமிழர்களின் உயிரைக் காப்பாற்ற வேண்டும் என, கேட்டுக்கொள்கிறேன்......(ஆமா உடனடியாக ஈடேறிடும்)

கேரள மலயாளிகளின் அத்துமீறலை நிச்சியம் கோபத்துடன் உறுதிகொண்டு எதிர்க்கவேண்டும். முடிந்தவரை நியாயத்துக்காக மேல்மட்டத்துடன் அயராமல் போராடவேண்டும் மறுப்பேயில்லை.

ஆனால் அது இதயசுத்தியோடு வைகோ அளவுக்காவது இருக்கவேண்டும். முதல்வர் ஜெயலலிதாவின் கோபமளவுக்காவது இருக்கவேண்டும். விஜயகாந்தின் அரசியல் அளவுக்காவது இருக்கவேண்டும்.

அல்லது இதுவரை (கறுமநிதி) தான் செய்ததெல்லாம் குடும்பத்துக்காக சுயநலன்கொண்டு நரித்தந்திரமான குப்பாடித்தனமான குள்ளநரிவேலை என்பதை நாடறிந்துவிட்டதால் மவுனம் காக்கிறேன் என அறிக்கை விட்டு சிஐடி நகரில் படுத்து ஓய்வை தொடர்ந்திருக்கலாம்.

பிரதீபா போத்தில் தலையிட்டு ஒரு அணுத்துகழ் அளவு மாற்றம் நிகழும் நடைமுறைச் சாத்தியம் இந்தியாவில் இருந்திருக்குமானால் அந்த வாக்கியத்தை பாவிப்பதில் தவறு கிடையாது.

திருட்டு குற்றவாளி மகள் கனிமொழியின்  பெயிலுக்கு தள்ளுவண்டியில் டில்லிக்கு ஓடிப்போய் தியாகத்திருவிளக்கு சூனியாவின் காலில் விழுந்து கட்டி அழுத கருணானிதி, எரியிற வீட்டில் அரசியல் செய்து நானும் கூட என்று மக்களை ஏமாற்றுவதற்கு பிரதீபா போத்திலை பாவித்து வீரனாக அறிக்கையில் காட்டியிருக்கிறார்.

2011 தேர்தல் பிசச்சாரத்தின்போது திருவாரூரில் வடிவேலு விஜயகாந்தை நோக்கி எடுத்துவிட்ட கொமடிக்கு குறையில்லாமல் கருணானிதியும் கூவி ஓய்ந்திருக்கிறார்.

வடிவேலு கூவிய வாசகம்: விஜயகாந்த் நீ முதலமைச்சர் என்றால் நான் பிரதமர். நீ பிரதமர் என்றால் நான் ஜனாதிபதி. நீ ஜனாதிபதி என்றால் நான் ஒபாமா. என்று நடக்காத ஒன்றை ரசனையில்லாமல் கூவி தன்னை பெரிய பேச்சாளனாக காட்டி கைத்தடிகளிடம் கைதட்டு வாங்கினார்.(இன்று அதன் பாதிப்பு எவ்வளவு என்பதை வடிவேலுவும் சர்வதேச தமிழினமும் மிக நன்றாகவே அறிந்திருக்கிறது)

மக்களுக்கு அரசியல் சிந்தனை அறவேயில்லை என்ற நம்பிக்கையில் அதே விளையாட்டை கருணானிதியும் கூவி மிக மிக சின்னத்தனமான சிறுவனாகியிருக்கிறார்.

"தற்கொலை செய்துகொள்வோம்' என மக்கள் எச்சரிக்கும் அளவுக்கு, நிலைமை சென்றுவிட்டது" என்று கண்ணீர் வடிக்கும் கருணானிதி ஈழ மக்கள் கொத்துக்கொத்தாக செத்தது பொறுக்காத மறத்தமிழன் முத்துக்குமார் தீக்குளித்தபோது, அவனுக்கு வீட்டில் ஏதோ காதல் பிரச்சினை என்று கொமண்ட் அடித்துவிட்டு நாரிப்பிடிப்பு என்று கயிறு விட்டு ராமகிருஷ்ணா குளிர்ச்சி மருத்துவமனையில் காலங்கடத்தி வஞ்சகம் தீர்த்ததால். தொடர்ந்து பதினெட்டுப்பேர் தீக்குளித்தனர். அப்போ ஆட்சியும் கருணாநிதியிடம் இருந்தது அன்றைக்கும் ஜனாதிபதியிடம் இப்படி ஒரு கோரிக்கை வைத்திருக்கலாமே? ஏன் கறுமநிதி செய்யவில்லை.

அன்றைக்கு கோரிக்கை வைத்திருந்தால் அரசியலில் சிக்கல் திருப்பி தன்னை தாக்கும் என்பதால், அடுத்து 1/2 நாள் உண்ணா வேஷம் போட்ட கறுமநிதி.  இன்றைக்கு வெற்றுக்கூவல் கூவுவதால் மக்களை ஏமாற்றலாம் என்பது தவிர வேறு எது நடக்கப்போகிறது. எவ்வளவு சின்னத்தனமான மனிதன் என்பதற்கு இதைவிட வேறு என்ன சான்று தேவை.

தமிழரின் பெயரால் வாழ்க்கையை ஓட்டவேண்டும் என்பதற்காக, எவ்வளவு விமர்சனம் வந்தாலும் எவ்வளவு வயது போனாலும் இந்த முதலை தமிழினத்தை விட்டு விலகாமல் நீலிக்கண்ணீர் வடித்துக்கொண்டேயிருக்கிறது. கடவுள்தான் மக்களை காப்பாற்றவேண்டும்.

மீண்டும் சந்திப்போம்.

Tuesday, December 13, 2011

முல்லை பெரியாறு கேரளத்துக்கு சொந்தம். கடல் ஸ்ரீலங்காவுக்கு சொந்தம் சொல்லுவது இந்திய அரசு.

இந்திய அரசு சிங்கள அரசுடன் இணைந்து ஈழத்தமிழர்களுக்கு செய்த துரோகத்தின் ஈரம் காயுமுன், மலயாள அரசியல்வாதிகளின் அப்பட்டமான பிடிவாதத்தை மறைமுகமாக வழிமொழிந்து தமிழகத் தமிழர்களுக்கு மீண்டுமொரு துரோகம் ஈடேற்ற துணை பொய்க்கொண்டிருக்கிறது.
 
தமிழகம், கேரளம், இரு மானிலங்களுக்குமிடையில் நீண்டகாலமாக இருந்துவந்த முல்லை பெரியாறு நீர் பங்கீட்டு பிரச்சினை விரிசல் விரிவடைந்து இரண்டு வெவ்வேறு நாடுகளுக்கிடையில் உண்டாகும் போருக்கான முஸ்தீபுகள் போல நிலைமை மாறியிருக்கிறது.

உடனடியாக தலையிட்டு போர்க்கால அடிப்படையில் நிலைமையை சீராக்கவேண்டிய பொறுப்பு நடுவண் அரசுக்கு உண்டு. ஆனால் இந்திய நடுவண் அரசு கையாலாகாத்தனமாக மலயாள தேசத்தை காப்பாற்ற மூன்றாவது தரப்பு மத்தியஸ்தர்போல செயற்படுகிறது.

ஒரு நாட்டுக்குள் உள்ள இரண்டு மானிலங்களுக்கிடையிலான இந்தப்பிரச்சினை மிக நுண்ணியமாக கையாளவேண்டிய ஒன்று என்பது மறுக்கமுடியாதது.

எது எப்படியிருந்தாலும் தமிழகத்தின் பாசன வசதிக்காக மேற்கு தொடர்ச்சி மலைத்தொடரிலிருந்து அரபிக்கடலுக்கு வீணாக சென்றுகொண்டிருந்த நீரை தடுத்து 1000 ஆண்டுகளுக்குமுன் ஆங்கிலேயரால் கட்டப்பட்டது. முல்லை பெரியாறு அணை.

அணை தமிழக கேரள எல்லைப்பகுதியில் அமைந்திருப்பதால் அணைக்கு பங்கம் வருமாகவிருந்தால் பாதிப்புக்குள்ளாகப்போவது தமிழகம் என்பதே  நிதர்சனம். தாக்கம் அப்படி இருப்பதால் நியாயமான தீர்வு கிடைக்கும்வரை தெருவில் இறங்கவேண்டிய கட்டாயம் தமிழகத்து மக்களுக்கு கட்டாயமாகியிருக்கிறது.

தமிழக முதல்வர் அவர்கள் தமிழக மக்களை அத்து மீறவேண்டாம் என்றும் கேட்டிருக்கிறார். அதேநேரம்  ஏற்கெனவே நீதிமன்றம் பரிந்துரைத்த உண்மயின் அடிப்படையில் பிரச்சினையை திசைதிருப்பாமல் அமைதியான முறையில் நிரந்தரமாக பிரச்சினையை தீர்வுகாண மத்திய அரசை உடனடியாக தலையிட்டு தீர்த்து வைக்குமாறு கேட்டிருக்கிறார்.

ஆனால் மத்திய காங்கிரஸ் அரசு நீதிமன்ற தீர்ப்பை புறந்தள்ளிவிட்டு பிரச்சினையை அரசியலாக்கவே முனைப்பு காட்டி வருகிறது. கேரள அரசியல் கட்சிகளின் பொய் பிரச்சாரத்துக்கு வழிவிட்டு இரு மானிலங்களுக்குமிடையில் ஒரு மோதலை உருவாக்கி அதன்மூலம் கேரள அரசியல்வாதிகளின் திட்டத்துக்கு சாதகமாக முடிவை சாய்த்துவிடவே நடுவண் அரசு விரும்புவதாகத்தெரிகிறது.

ஒரு இந்தியா என்ற தாரக மந்திரத்தின்கீழ் இந்தியத்துணைக்கண்டம் இருந்துவருகிறது. அந்த அடிப்படையில் அருகாமையில் அமைந்திருக்கும் ஒரு மானிலத்தின் புவியியல் தன்மைசார்ந்து, ஒரு மானிலத்தின் இயற்கைவளம், மற்ற மானிலத்துக்கும் பரிவர்த்தனை செய்யவேண்டிய கடப்பாடு உண்டு. வளங்கள் பங்கிடுவதன் மூலமே ஒரே நாடு என்ற சுலோகம் உயிர்ப்புடன் இருப்பதற்கும்  நாடு வளமாவதற்கான மூலமும் ஆரம்பமாகிறது.

வெள்ளப்பெருக்கு ஏற்படுங்காலங்களில் தமிழ்நாட்டை நோக்கி வெள்ள நீரை கடத்தி சங்கடத்தை உண்டுபண்ணுவதும் வறட்சியான காலங்களில் நீரை தடைசெய்வதும் ஒரு மானிலத்தை அழிக்கும் செயலாகவே இருக்கும். இவற்றை உணர்ந்து பாகுபாடற்ற நெறிமுறைகளை அறிமுகப்படுத்தும் பொறுப்பு மத்திய அரசுக்கே உண்டு.

முடியாத பட்சத்தில் ஒவ்வொரு மானிலத்துக்கும் சுதந்திரப்பிரகடனம் செய்து அவரவர் போக்கில் விட்டுவிடவேண்டிய தர்மத்தை பின்பற்றவேண்டியவர்களாகின்றனர். தேர்தல் காலத்தில் கொள்கையற்ற கூட்டணி அமைக்கும் அரசியல்வாதிகள் தொட்டதற்கெல்லாம் கூட்டணி தர்மம் காக்கிறோம் என கூவுபவர்கள். கூட்டு மானிலங்களின் மக்களின் அடிப்படை வாழ்வாதார பிரச்சினையை கையாளமுடியாவிட்டால் அரசியல் சாசன விதிகளை மீறிய குற்றவாளிகளாகின்றனர்.

ஒவ்வொரு மானிலங்களும் நாட்டின் உயர் மையமான நீதித்துறையின் கட்டளைகளை கருத்திலெடுக்காமல் தாம் நினைப்பதை நிறைவேற்ற நினைப்பார்களாக இருந்தால் அந்த நாட்டின் இறையாண்மை வகிக்கும் பங்குதான் என்ன. எதையும் தனித்தனியாக கையாளும் பிடிவாதப்போக்கு  இருக்குமானால் அரசியல்ச்சாசனம் எதை செய்துவிடப்போகிறது.

1947க்கு முன் இந்திய தேசத்து மக்கள் ஆங்கிலேயருடன் போராடி மகாத்மா காந்தியின் தலைமையில் சுதந்திரத்தை ஒரு இரவுப்பொழுதில் பெற்றனர். ஆனாலும் அம்மக்கள் விடியலை இன்னும் தரிசிக்கவில்லை.  இங்கிலாந்திலிருந்து விடுபட்டபின்,  உருவான இந்திய தேசியக்காங்கிரஸ் இத்தாலியிடம் சிக்கியிருக்கிறது.

இந்தியாவின் இன்றய தலைவிதி,. பிரதமர், ஜனாதிபதி, நீதித்துறை சுயமாக செயற்படமுடியாமல் அடிமைப்பட்டு கிடக்கின்றன. இன்னுமொரு போராட்டத்தின் பின் ஒரு பகலில் இத்தாலியிடமிருந்து சுதந்திரம் கிடைத்தால் மட்டுமே மக்களுக்கு ஏதாவது விமோசனம் கிடைக்கக்கூடும்.

ஈழதேசம் இணையத்திற்காக.
கனகதரன்.
நன்றி ஈழதேசம் இணையம்.

Sunday, December 11, 2011

மனித உரிமை மீறல் குற்றங்களுக்காக அரசு மீது பகிரங்க விசாரணை தேவை; தமிழ்த் தேசியக் கூட்டமைப்பு யாழ்.நகரில் வலியுறுத்து

news
இலங்கையில் இடம்பெற்ற மனித உரிமை மீறல்களுக்காக இந்த அரசை ஐக்கிய நாடுகள் சபை விசாரணை செய்ய வேண்டும் என்று வலியுறுத்தி உள்ளது தமிழ்த் தேசியக் கூட்டமைப்பு.

சர்வதேச மனித உரிமைகள் தினமான நேற்று யாழ். நகரில் இதனை வலியுறுத்தினார் கூட்டமைப்பின் பொதுச்செயலாளர் மாவை சேனாதிராசா.

"மனித உரிமைகள் மீறப் பட்டுள்ளமைக்காக இலங்கை அரசை ஐ.நா. விசாரணை செய்ய வேண்டும். அந்த விசாரணைகள் பகிரங்கமாக இடம்பெற வேண்டும். அதன் மூலம் எமது மக்களுக்கு நம்பிக்கை ஏற்படுத்தப்பட வேண்டும்" என்றார் மாவை சேனாதிராசா.

காணாமற்போனவர்கள் மற்றும் கடத்தப்பட்டவர்களின் உறவினர்கள் யாழ். நகரில் நடத்திய போராட்டத்தில் கலந்து கொண்டு பேசியபோதே அவர் இதனைத் தெரிவித்தார்.

போர் முடிந்து இரண்டு வருடங்கள் கடந்துவிட்ட நிலையிலும்கூட இலங்கை அரசால் தமிழ் மக்களின் பிரச்சினைக்கு அரசியல் தீர்வு ஒன்றை முன்வைக்க முடியவில்லை என்று அங்கு சுட்டிக்காட்டினார் சோசலி ஸக் கட்சியின் பிரதிநிதி மஹிந்த தேவா.

"சர்வதேச மனித உரிமைகள் தினத்தைக் கொச்சைப்படுத்தும் விதமாக மக்களது ஜனநாயகப் போராட்டம் அடக்கப்படுகிறது. போராட்டத்துக்கு வந்த மக்கள் தாக்கப்படுகிறார்கள். இவ்வாறான அடக்குமுறை மூலம் எவ்வாறு தேசிய நல்லிணக்கத்தை ஏற்படுத்தப்போகிறீர்கள்? காணாமற் போனவர்களது கண்ணீருக்குப் பதில் சொல்ல வேண்டும்" என்று தனது உரையில் குறிப்பிட்டார் முன்னாள் நாடாளுமன்ற உறுப்பினர் எம்.கே.சிவாஜிலிங்கம்.

இலங்கை அரசு மனித உரிமை மீறல்களில் ஈடுபட்டது என்று தொடர்ச்சியாகக் குற்றச்சாட்டுக்கள் தெரிவிக்கப்பட்டு வந்தபோதும் அவற்றை அது தொடர்ந்து நிராகரித்தே வந்துள்ளது. மிக அண்மையில் இராணுவத்தைச் சேர்ந்த எவராவது அத்தகைய மீறல்களில் ஈடுபட்டிருக்கக்கூடும் என்று பாதுகாப்புச் செயலர் கோத்தபாய ராஜபக்ஷ தெரிவித்திருந்தார். ஆனால், அதற்காக, மனித உரிமை மீறல்களுக்கு அரசு பொறுப்பாளி அல்ல என்று நல்லிணக்கத்துக்கான படிப்பினைகள் ஆணைக்குழுவின் அறிக்கையில் தெரிவிக்கப்பட்டுள்ளதாகவும் கூறப்படுகிறது. 

நன்றி உதயன்.

Saturday, December 10, 2011

மனித உரிமைக்கு அர்த்தம் கொடுத்த மனித உரிமைகள் தினம்


   
  உலக மனித உரிமைகள் தினம் ஆண்டுதோறும் டிசம்பர் 10ஆம் திகதி கொண்டாடப்படுகின்றது. இரண்டாம் உலக மகா யுத்தத்தின் பின் 1945ஆம் ஆண்டு ஐக்கிய நாடுகள் சபையினால் கொண்டுவரப்பட்ட மனித உரிமைகள் பிரகடனத்துக்கு 58 நாடுகள் அங்கீகாரம் வழங்கியிருந்தன. இதனையடுத்து 1950ஆம் ஆண்டிலிருந்து மனித உரிமைகள் தினம் உலகெங்கும் அனுஷ்டிக்கப்பட்டு வருகின்றது.

மனிதப் படுகொலைகள், மனித உரிமை மீறல்கள் முதலானவற்றுக்கு எதிராகவே மனித உரிமைகள் பிரகடனம் ஐ.நா.வால் கொண்டுவரப்பட்டது. ஆனால், சில நாடுகளில் மனித உரிமைகள் பாதுகாக்கப்பட்டு வருகின்ற போதிலும் மனித உரிமைகள் பெயரளவில் மாத்திரமே நடைமுறையில் உள்ளன. பல நாடுகளில் மனித உரிமைகள் மீறப்பட்டு வருவதை மறுப்பதற்கில்லை.

ஒரு சமூகத்தில் ஜனநாயகத்தைப் பாதுகாத்தல், பிரஜைகளின் பொது நலனை விருத்தி செய்தல், சமூக நீதியை நிலைநிறுத்தல் என்பவற்றுக்கு மனித உரிமை என்பது அத்தியாவசியம் மிக்க ஒன்றாக இருக்கின்றது. ஆனால், ஜனநாயக நாடு என்று பெயரளவில் சொல்லிக் கொள்ளும் நாடுகளில் பெரும்பாலும் மனித உரிமைகள் மீறப்பட்டே வருகின்றன என்பதை ஊடகங்கள் வழியாக நாம் அறிகின்றோம்.

அனைத்துலக மனித உரிமைகள் பிரகடனம் 30 உறுப்புரைகளைக் கொண்டது. அதாவது சகல இன மக்களும் தத்தமது சாதனை இலக்கின் பொது நியமமாக கொள்ளத்தக்கதாக இந்த அனைத்துலக மனித உரிமைப் பிரகடனம் அமைந்துள்ளது.

சமூகத்தின் ஒவ்வொரு மனிதனும் இப்பிரகடனத்தைக் கற்றறிந்து கொள்வதோடு அந்த உரிமைகளை மனதிலிருத்தி சுதந்திரங்களுக்கான மதிப்பினை மேம்படுத்த வேண்டும் என்பதே இதன் நோக்கமாக உள்ளது.

உறுப்புரை - 01 இல் 'மனிதப் பிறவியினர் சுதந்திரமாகவே பிறக்கின்றனர். அவர்கள் மதிப்பிலும் உரிமைகளிலும் சமமானவர்கள். அவர்கள் நியாயத்தையும் மனச்சாட்சியையும் இயற்பண்பாகப் பெற்றவர்கள். அவர்கள் ஒருவரோடொருவர் சகோதர வாஞ்சையுடன் நடந்து கொள்ள வேண்டும்" என்றே குறிப்பிடப்பட்டுள்ளது.

முதல் உறுப்புரையே மனித உரிமைக்கு பூரண அர்த்தத்தைக் கொடுக்கின்றதல்லவா?

ஒரு நாட்டின் அரசினால் இந்த உரிமை பாதுகாக்கப்படுமாயின் ஏனைய உரிமைகள் தாமாகவே அந்நாட்டு மக்களுக்குக் கிடைத்து விடும் என்பதில் எள்ளளவும் சந்தேகமில்லை.

ஒருவரோடொருவர் சகோதரத்துவத்துடன் நடந்து கொள்ள வேண்டும் என்ற நியதி ஒரு நாட்டில் இருக்குமானால் அந்நாட்டில் சகலரது உரிமைகளும் பாதுகாக்கப்படுவதோடு அனைவரும் உரிமைகளை அனுபவிக்கும் நிலையும் நிச்சயமாகத் தோன்றக் கூடும்.

இலங்கை நாட்டைப் பொறுத்தவரையில், ஆரம்ப கால அந்நியர் ஆட்சி முதல் இன்றைய ஜனநாயக ஆட்சி வரை மனித உரிமைகளுக்கு பூரண முக்கியத்துவம் வழங்கப்பட்டிருந்ததா என்பது கேள்விக்குறியே.

இலங்கையில் பெரும்பான்மை ஆட்சியே அந்நாள் முதற்கொண்டு நடைபெற்று வருவதால், அந்நியர் ஆட்சியிலிருந்து இன்று வரை சிறுபான்மையினர் உரிமைகளை அனுப்பவிப்பதென்பது எட்டாக்கனியாகவே உள்ளது என்பது முழு உலகமுமே அறிந்த உண்மை.

அதாவது, 'சிறுபான்மையினருக்கு உரிமைகள்" என்பது ஆவண ரீதியில் காணப்பட்ட போதும் அவை நடைமுறையில் சாத்தியமற்றதாகவே இருப்பதையும் காணக் கூடியதாகவே உள்ளது. இவர்களுக்கு மனித உரிமை என்பது ஏதோ ஒரு கட்டுபாட்டுக்குட்பட்டதாகவே அன்றும் இன்றும் காணப்படுகின்றது. 1947ஆம் ஆண்டு சோல்பரி யாப்பின் போது பெரும்பான்மையினரால் சிறுபான்மையினர் அடக்கப்படுகின்றார்கள் என்ற கருத்து தமிழ்த் தலைவர்களால் முன்மொழியப்பட்டது. இதனையடுத்து அக்காலப்பகுதியில் சிறுபான்மையினருக்கென பல விசேட ஷரத்துக்கள் முன்வைக்கப்பட்ட போதும் அவை ஏதோ ஓர் அதிகாரத்துக்கு உட்பட்டதாக காணப்பட்டதால் அதன் பூரண பயன்பாட்டை சிறுபான்மையினர் அனுபவிக்கவில்லை. இது போன்றே இன்றும் தொடர்ந்து கொண்டு இருக்கின்றது.

இலங்கையைப் பொறுத்தவரையில் சிறுபான்மையினர் எனும் போதும் தமிழ், முஸ்லிம், பறங்கியர் அடங்குகின்றனர். இவர்களின் உரிமைகள் பெயரளவில் மாத்திரமே உள்ளன.

30 வருட கால போர்ச்சூழல் மறைந்து, நாட்டில் சமாதானச் சூழல் ஏற்பட்டிருக்கும் இன்றைய காலகட்டத்தில் கூட, கொழும்பில் கடந்த ஒரு மாத காலப்பகுதியில் 10 பேர் காணாமல் போயுள்ளனர் என்றால் நம் நாட்டு மனித உரிமையை என்னென்பது?

இதே நிலையில் தான் நம் நாட்டில் ஆண்டுதோறும் டிசம்பர் மாதம் 10ஆம் திகதி சர்வதேச மனித உரிமைகள் தினம் கொண்டாடப்பட்டு வருகின்றது என்ற கசப்பான உண்மையையும் நாம் ஏற்றுக் கொள்ளத்தான் வேண்டும்.

அனைத்துலக மனித உரிமைப் பிரகடனத்தின் உறுப்புரை 13இல் கூறப்பட்டுள்ளது போன்று ஒவ்வொரு நாட்டினதும் எல்லைக்குள் சுதந்திரமாக பிரயாணஞ் செய்வதற்கும் வதிவதற்கும் ஒவ்வொருவருக்கும் உரிமையுண்டு.

ஆனால், நம் நாட்டில் நடப்பதென்ன?

அண்மைக் காலமாக நாட்டில் மீண்டும் உருவெடுத்துள்ள வெள்ளை வேன் கடத்தல், மர்ம மனிதத் தாக்குதல், மனித உயிர்கள் அநியாயமாகக் காவு கொள்ளப்படுதல், சித்திரவதைப்படுத்தல் போன்ற சம்பவங்கள் மேற்கூறப்பட்ட மனித உரிமைப் பிரகடனத்தையே கேலிக்குரியதாக்குகின்றனவே?

உரிமைகள் ஏட்டளவில் தான். நடைமுறையில் எதையும் காணோம். 'ஏட்டுச் சுரைக்காய் கறிக்குதவாது" என்பதையே இத்தகைய சம்பவங்கள் தெளிவுபடுத்துவதாக உள்ளன.

இடத்துக்கிடம் சோதனைச் சாவடிகள், பொலிஸார் மற்றும் படையினரின் வீதி ரோந்து, சிவிலுடை தரித்த பாதுகாப்பு பிரிவினரின் கண்காணிப்பு என அதிஉயர் பாதுகாப்பு நடவடிக்கைகள் தீவிரமாக்கப்பட்டுள்ள போதும் கொழும்பு மாநகரில் கூட இத்தகைய வெள்ளை வேன் ஆயுததாரிகளால் பல கடத்தல் சம்பவங்கள் இடம்பெற்று வருவதைத் தடுக்க முடியாதிருக்கிறது.

இதன் மூலம் ஒரு பிரஜை நாட்டின் எல்லைக்குள் சுதந்திரமாக நடமாட முடியாதபடி அவனது உரிமை மீறப்படுகின்றது என்பதுதானே அர்த்தமாகின்றது?

மனிதப் படுகொலைகள், பாலியல் பலாத்காரம், மனித உரிமை மீறல்கள் முதலானவற்றுக்கு எதிராகவே மனித உரிமைகள் பிரகடனம் ஐ.நா.வினால் கொண்டுவரப்பட்டது. மனித உரிமைகள் தினத்தைக் கொண்டாடுவதை விட மனித உரிமைகள் பாதுகாப்புக்கான ஏற்பாடுகளையும் நடவடிக்கைகளையும் அனைவரும் கவனத்தில் கொள்ள வேண்டும். மேலும் நமது உரிமைகளைப் பற்றி நாம் ஒவ்வொருவரும் அறிந்திருக்க வேண்டும். நிறைவாக, மனித உரிமைகள் மீறப்படும் போது இதைப்பற்றிச் சிந்திக்க வேண்டியவர்கள் இனிமேலாவது மக்கள் நலனில் அக்கறை கொண்டு, மனித உரிமைக்காக செயற்படுவார்களா? ___
நன்றி வீரகேசரி.

Friday, December 9, 2011

திமுக. திருட்டு முத்துவேல் கருணாநிதி,

 கூத்தாடி குசும்பன்.








னி நீயும் வேண்டாம் உன் சகவாசமும் வேண்டாம் என தமிழக மக்களால் தூக்கி எறியப்பட்டு வீழ்ந்து எழுந்திருக்க முடியாமல் தத்தளிக்கும் கருணாநிதிக்கு தக்க சமையத்தில் ஒரு பிடி கொம்பாக முல்லைப் பெரியாறு அணைவிவகாரம் கிடைத்திருக்கிறது. மகள் ஸ்பெக்ரம் ராணி கனிமொழியும் பெயிலில் வந்திருக்கும் இத்தருணம் கிழவன் கருணாவுக்கு ஒரு உசாரான காலம்.

இன்று காலை செயற்குழுக் கூட்டம் அண்ணா அறிவாலயத்தில் தொடங்கியது. கருணாநிதி தலைமையில் தொடங்கியுள்ள கூட்டத்தில் மூத்த வீராங்கனை நடிகை குஷ்பு, கட்சிப் பொதுச் செயலாளர் அன்பழகன், பொருளாளர் மு.க.ஸ்டாலின்,   உள்ளிட்டோர் பங்கேற்று முடிவெடுத்திருக்கின்றனர்.

திட்டப்படி கருணா குஷ்பு தலைமையில் மனிதச்சங்கிலி தொடங்கியதும் கேரளாவும் மத்திய அரசும் பணிந்து உடனடியாக கருணாவின் கோரிக்கையை ஏற்று அனைத்து சிக்கல்களும்  சுமூக நிலைக்கு வரும் என கருணா ஆருடம் கூறியிருக்கிறார்.

ஈழ படுகொலையை வைத்து நாடகம் நடத்தி மத்திய அரசிடமிருந்து மகன். மகள். பேரப்பிள்ளைகளுக்கு எம்பி, மந்திரிப்பதவி வாங்க மனிதச்சங்கிலி, பதவி ராஜினாமா, உண்ணாவிரதம், என்று பல செத்தவீடுகள் செய்து தனது குடும்ப நலன் காத்த கருணாநிதி. இன்று மரண அடிவாங்கி நிலமட்டத்தில் இருக்கும் தருணத்தில் மலயாளிகள், தமிழர் பிரச்சினையை சமயோசிதமாக வஞ்சக நோக்கோடு கையில் எடுத்திருக்கிறார்.

இது ஒரு கழிவு கெட்ட சுயநல வெட்கம் கெட்ட நாடகம் என்பது ஊரறிந்தாலும். எவரும் எதிர்ப்பு காட்டமுடியாத சிக்கல் இருப்பதால் கருணாவுக்கு பெரு வாய்ப்பாக அமைந்திருக்கிறது. திமுக வின் ஊழல் அடிமைகள் கைவசம் இருப்பதால் கருணாவுக்கு கணிசமான ஆள்ச்சேர்ப்பு சிரமமில்லாமல் இருக்கும். 

இருந்தும் கருணாவின் நாடகங்களால் ஒரு மண்ணும் நடந்துவிடப்போவதில்லை. கொள்ளையடித்த பெரும் பணமும் கணிசமான அடிமைகளும் துரோகி கருணாநிதியின் கையில் இருக்கும்வரை கருணாநிதி தனது எஞ்சிய அந்திம காலம்வரை இப்படியே நாடக மேடைகளை திறந்து சீரழித்து முடிவு எழுதுவார் என்பது தவிர்க்க முடியாதது.

மீண்டும் சந்திப்போம்.

Thursday, December 8, 2011

சாத்தான் வேதம் ஓதுகிறது.

  ஜனநாயத்தை நடைமுறைப்படுத்துவதில் இலங்கை பழைமைவாய்ந்த நாடு:ஜனாதிபதி. 

ஆசியாவில் மாத்திரமல்ல முழு உலகத்திலுமே ஜனநாயத்தை நடைமுறைப்படுத்தும் நாடுகளில் இலங்கையே மிகவும் பழைமைவாய்ந்த நாடாகும். அர்த்தமுள்ள ஜனநாயகத்தை உறுதிப்படுத்த வேண்டும் என்றால் பொதுமக்களுக்கும் அரசுக்கும் இடையே நெருங்கிய உறவுகள் காணப்பட வேண்டும் என்று ஜனாதிபதி மஹிந்த ராஜபக்ஷ இந்தோனேசியாவில் தெரிவித்துள்ளார்.

இந்தோனேசியாவில் ஆரம்பமான பாலி ஜனநாயக மாநாட்டில் கலந்துகொண்டு இன்று உரையாற்றும்போதே ஜனாதிபதி இவ்வாறு குறிப்பிட்டுள்ளார்.

"அரசியலமைப்பு மற்றும் தேர்தல் முறைமை தொடர்பான அனுபவங்கள் இலங்கையின் அரசியல் வரலாற்றில் முக்கியமான சந்திஷ்டானங்களாகும்" என அவர் மேலும் தெரிவித்துள்ளார். 


நன்றி. வீரகேசரி.

 

அமெரிக்காவுக்கு ஈரான் பதிலடி _

  ஈரானியர்களுடன் தொடர்பு கொள்ளும் நோக்குடன் 'ஒன்லைன் ஈரானிய தூதரகம்' ஒன்றினை ஆரம்பித்தது அமெரிக்கா.

இதற்கு ஈரான் கடும் எதிர்ப்பினை வெளியிட்டது.

எனினும் ஆரம்பித்து சில மணித்தியாலங்களுக்குள் ஈரான் இவ் இணைய தூதரகத்தினை தனது நாட்டினுள் முடக்கியுள்ளது.

இதன்படி ஈரானுக்குள் இருந்து இவ் இணையத்தளத்தினை எவரும் பார்வையிட முடியாது.

இதற்கு வெள்ளை மாளிகை கடும் எதிர்ப்பினை வெளியிட்டுள்ளது.

எனினும் ஈரானியர்கள் பிற இணையத்தளங்களின் ஊடாக அந்நாட்டு அரசின் தடைகளை மீறி இத்தளத்தினைப் பார்வையிட முடியுமென அமெரிக்கா அறிவித்துள்ளது.

மேலும் ஈரான் தனது மக்களின் தகவல் அறியும் உரிமையினைத் தடை செய்வதுடன், கட்டுப்பாட்டுக்குள் வைத்திருக்க முயல்வதாகவும் சுட்டிக்காட்டியுள்ளது.

இத்தகவல் நேற்றே வெளியாகிய போதும் அதனை உறுதிப்படுத்திக்கொள்ள முடியவில்லை.

எனினும் தற்போது அத்தகவல் ஊர்ஜிதப்படுத்தப்பட்டுள்ளது..


நன்றி வீரகேசரி.

Monday, December 5, 2011

விநாச காலே விபரீத புத்தி.

கூத்தாடி குசும்பன்.




2ஜி ஸ்பெக்ட்ரம் ஊழல் கொள்ளை வழக்கில் சிக்கி கைதாகி 6 மாதங்களுக்கும் மேலாக திஹார் சிறையில் கைதியாக அடைபட்டிருந்த கனிமொழி. சில நாட்களுக்கு முன்பு  நிபந்தனை ஜாமீனில் வெளிவந்திருக்கிறார்.

3ம் திகதி சென்னை திரும்பிய கனிமொழியை திமுக தலைவர்
 ஆளவந்தான் கருணாநிதி தனது அடிமைகள் புடைசூழ தாரை தப்பட்டை முழங்க தள்ளுவண்டியில் விமான நிலையம் சென்று வெட்கம் துறந்து நேரில் வரவேற்றார்.

வீடு திரும்பிய கனிமொழிக்கு வழி நெடுக திமுக அடிமைகள் அனைவரும் நீண்ட வரிசையில் நின்று  பூ, அரிசி, பொரி, முதலியவைகளை தூவி, சலாம் போட்டு பெருத்த நாடுகாத்த வீராங்கனையை வரவேற்பது போன்று வரவேற்றனர். இவை அனைத்தும் கருணாநிதியின் ஏற்பாட்டில் நடந்தேறிய அநிஞாயங்கள்.

இந்த வரவேற்பும் ஊர்வலமும் இந்திய அரசின் நீதித்துறையை அவமதித்து, சிபிஐ புலனாய்வு அமைப்பையும் அராஜகமாக காட்டும் ஒரு நடவடிக்கை என்பதை, மத்திய அரசில் அங்கம் வகிக்கும் திமுகவின் முதலாளி, கருணாநிதி கணக்கிலெடுக்கவில்லை, ஊழல் குப்பாடிகளின் கூட்டம்தான் அங்கும் இருக்கின்றனர் என்பதை மூத்த கொள்ளைக்காரன் கருணாநிதி அறிந்திருப்பதால் துணிச்சலாக தனது அடிமைகளை முன்னிறுத்தி மிகப்பெரிய ஊழல் குற்றவாளியை போராட்ட வீராங்கனை கணக்காக தோற்றப்படுத்தி திருப்தி கண்டிருக்கிறார்,

மகளை முதன்மைப்படுத்தி மக்களையும் நாட்டையும் மீண்டும் ஏமாறியிருக்கிறார். விழாவெடுத்தே மக்களை ஏமாற்றிவந்த ஆளவந்தான் அதே தந்திரத்தை பாவித்து திருட்டு வழக்கிலிருந்து ஜாமீனில் வெளிவந்த மகள் கனிமொழியை, அடையாளப்படுத்தியது தற்கால வெற்றிபோல் தெரிந்தாலும் திமுக அடிமைகள் தவிர்ந்த நாட்டிலுள்ள மற்றவர்கள் ரசிக்கவில்லை வெறுத்திருக்கின்றனர்.

அதன்பின் இனி தொடர்ந்து தீவிர அரசியலில் ஈடுபடுவீர்களா என்ற கேள்விக்கு,  தலைவர் என்னை அரசியலுக்கு அழைத்து வந்து இருக்கிறார். அவர் என்ன எதிர்பார்க்கிறாரோ அந்த அளவுக்கு நிச்சயமாக தொடர்ந்து தீவிர அரசியல் பணியில் ஈடுபடுவேன் என்று கனிமொழி வாக்குமூலம் கொடுத்திருக்கிறார். (கனிமொழி இல்லாவிட்டால் தமிழ்நாடு காணாமல் போய்விடும்?)

அக்கருத்து கனிமொழியின் தனிப்பட்ட குடும்ப தொழில் சார்ந்து தொடர்ந்து நடைமுறையில் உள்ள விடயம்.  கனிமொழி குறிப்பிட்டிருக்கும் கருணாநிதியின் எதிர்பர்ப்பு அரசியல்ப்பணி என்பது, இதுவரை கருணாநிதி குடும்பங்களுக்காக தொடர்ந்த கொள்ளையை தொடருவேன் என மறைமுகமாக குறிப்பிட்டுள்ளார். 

கருணாநிதியும் ஜெயலலிதாவும் அரசியலுக்கு வந்ததால் தமிழகத்து மக்கள் நல்மாற்றம்கண்டு பலனடைந்ததில்லை. மாறாக பல ஆயிரம் கோடிகளில் ஊழல் செய்தனர் தொடர்ந்து செய்துகொணிருக்கின்றனர் என்பதை நீதிமன்றங்களில் நடைபெறும் வழக்குகள் பறைசாற்றுகின்றன.

கருணாநிதி நாட்டை கொள்ளையடித்து தனது குடும்பத்தை நாடாக்கினார். தனது புகழ்பாட மாதம் ஒரு விழா எடுத்து நம்பி வாக்களித்த மக்களை இழவெடுத்த வாழ்வில் தள்ளினார்,

2009ல் ஈழத்தமிழர்கள் 3 இலட்சம் பேரை கொன்றொழிக்க மத்திய காங்கிரஸ் அரசு துணை நின்று பல்வேறு நாடகங்கள் நடத்தி இறுதியில்  வெட்கம் கூச்சம் இரக்கமில்லாமல் 1/2 நாள் உண்ணா விரதமிருந்து ஏமாற்றினார்.

ஈழப்போரின் இறுதிக்கட்டத்தில் விடுதலைப்புலிகளின் அரசியல்த்துறையுடன் தொடர்புகளை பேணி  கழுத்தறுத்து காட்டிக்கொடுத்த கனிமொழியை ஈழத்தமிழினம் மறந்துவிடவில்லை.   கயமை கழுத்தறுப்பு செய்து பல போராளிகள் அழிய கருணாநிதியுடன் இணைந்து வஞ்சக நாடகங்களை கனிமொழி முன்னின்று நடத்தினார்,

அதுபற்றி மக்களிடமிருந்தும் சமூக அமைப்புக்களிலிருந்தும் எவ்வளவு விமர்சனங்கள் வந்து மோசமாக விமர்சித்தபோதும் எருமை மாட்டில் மழை பெய்ததுபோல கருணாநிதியையும் கனிமொழியையும் எதுவும் அசைத்துவிடவில்லை.

2011 சட்டசபை தேர்தலில் தமிழக மக்கள் சரியான செருப்படி கொடுத்தபோதும் கருணா கூட்டம் திருந்தியதாக தெரியவில்லை கனிமொழியும் அதை இன்னும் உணரவில்லை என்பதுபோல் தெரிகிறது.

உங்கள் மீதான வழக்கு குறித்து என்ன கருதுகிறீர்கள் என்ற கேள்விக்கு,  தான் குற்றவாளியல்ல என்றும் வழக்கை கழகமும், நானும் சரியான முறையில் நீதிமன்றத்தில் சந்தித்து வருகிறோம். கட்சிக்கும் எனக்கும் ஏற்பட்டுள்ள திருட்டு பேரை நீதி மன்றத்தில் சட்டப்படி சந்தித்து மீண்டு வருவேன் என திருட்டு கேசில் சிக்கி ஜாமில் வெளிவந்தவர்கள் சாதாரணமாகச் சொல்லும் அதே புலுடாவை விட்டு நல்ல பிள்ளைபோல் காட்டிக்கொண்டிருக்கிறார் ஊழல் பயங்கரவாதியான கனிமொழி.

கனிமொழிக்கு, தாரை, தப்பட்டைகள் முழங்க, சென்னை விமான நிலையத்தில், தி.மு.க., தலைவர் கருணாநிதி தலைமையில் சாவீட்டு ஊர்வல வரவேற்பு கொடுக்கப்பட்டது. இந்த வரவேற்பு  . தொடர்ந்து மூன்று மணி நேரம், பேண்டு வாத்தியங்கள் முழங்கியதாலும், தி.மு.க.வினரின் நெரிசலாலும், விமான பயணிகள் கடுமையாக பாதிக்கப்பட்டு பொதுமக்களின் போக்குவரத்து காட்டுமிராண்டித்தனமாக சிரமப்படுத்தப்பட்டிருக்கிறது.

சிபிஐ கனிமொழியை 6 மாதங்கள் உள்ளே வைத்து விசாரித்த வகையில் கனிமொழி ராசாவுடன் இணைந்து நாட்டுக்கு நம்பிக்கை மோசடி செய்திருக்கிறார் என குற்றஞ்சாட்டி குற்றப்பத்திரிகை தாக்கல் செய்திருக்கிறது. நாட்டுக்கு நம்பிக்கை மோசடிசெய்தல் என்பது தேசிய பாதுகாப்பை துவம்ஷம் செய்த குற்றத்துக்கு சரியான குற்றச்சாட்டாகும்.  

2Gஅலைக்கற்றை கொள்ளை வழக்கில் 176,000 கோடி ரூபா முறைகேடு நடந்துவிட்டதாக குற்றஞ்சாட்டப்பட்டிருந்தது. அந்தத்தொகை யூக அடிப்படையில் கணிக்கப்பட்டதாகவும் 20.000 கோடிவரைதான் நஸ்டம் ஏற்பட்டிருக்கும் என கருணாநிதி தரப்பில் சொல்லப்பட்டது, அதன்பின் வெவ்வேறு கணக்குகளில் ஸ்பெக்ரம் அலைக்கற்றை வழங்கலில் நஸ்டம் நடந்திருக்கலாம் என சம்பந்தப்பட்டவர்கள் ஒவ்வொரு கணக்கை தமது ஊக அடிப்படையில் வெளியிட்டனர். 

ஆனால் எவரும் திருட்டு நடக்கவில்லை என்று மறுக்கவில்லை. அனைவரும் தொகையை குறைத்து காண்பிக்க முயன்றிருக்கின்றனரே தவிர முறைகேடு/ திருட்டு இடம்பெறவில்லை என சொல்லவில்லை.

அலைக்கற்றை வியாபாரத்தில் பிரதமர் மன்மோகன் சிங் மற்றும் உள்த்துறை அமைச்சர் சிதம்பரம் ஆகியோர் சம்பந்தப்பட்டிருப்பதாக எதிர்க்கட்சியும் சுப்பிரமணிய சுவாமியும் தொடர்ந்து குற்றஞ்சாட்டி வருகின்றனர். சுவாமியின் குற்றச்சாட்டு சம்பந்தமாக வரும் 08 திகதி உச்சநீதிமன்றம் விசாரிக்க இருப்பதாகவும் தெரிகிறது. எனவே வழக்கு நியாயப்படி நடத்தப்படும் என்பதற்கு உத்தரவாதம் எதுவுமில்லை.

இக்குற்றச்சாட்டில் அலைக்கற்றையை கையாண்ட தொலைத்தொடர்புத்துறை திமுக மந்திரி ராசா பிரதானமானவர் என்பது அனைவரும் அறிந்ததே. ராசாவை இயக்கியவர்கள் என்று கருணாநிதியின் மகள் கனிமொழி மற்றும் கனிமொழியின் தாயார் ராசாத்தி அகியோர் என்பதும் பின்னணியில் கருணாநிதியே இருந்தார் என்பதற்கும் ஆதாரமாக நீரா ராடியா என்ற புறோக்கரின் தொலைபேசி அழைப்புக்கள் அப்பட்டமாக நிரூபிக்கின்றன.

அவை அனைத்தும் உலகம் அறிந்த விடயம். இப்படியிருக்கும்போது பிணையில் வெளியேவந்த கனிமொழி   கருணாநிதியின் கதைவசனத்தில் தனக்கு ஒன்றும் தெரியாத அப்பாவியாக மிக அருமையாக நடித்து வருகிறார். புலிக்கு பிறந்தது பூனையாக முடியாது என்பது அனுபவ/ அறிவியல்.

இந்திய அரசியலில் எதுவும் நடக்கலாம் இராமாயண கலத்திலிருந்து இந்தியா அந்த மனநிலையில்த்தான் இருந்துவருகிறது, ஆண்டான் அடிமை நிலை மாற்றமுடியாத ஒன்றாக இருப்பதற்கு அங்குவாழும் அடிமைகளே மூல காரணம். மக்களை அடிமைகளாக வைத்திருப்பதையே அந்தநாட்டு அரசியலும் விரும்புகிறது.

குஷ்புவுக்கும் நயன்தாராவுக்கும் கோவில் கட்டி கும்பாபிஷேகம் செய்து கும்பிடும் அளவு விஸ்தீரணம்தான் அங்கு வாழ்கிறது.

இதற்கான கடைசி உதாரணம் கனிமொழி திருட்டு வழக்கிலிருந்து தற்காலிக பிணையில் விடுபட்டு வந்ததற்கு திமுகவின் அடிமைகள் அரங்கேற்றிய பிரமாண்டம். ஏன் எதற்கு இப்படிச்செய்கிறோம் என ஒருவரும் நினைத்துப்பார்க்க விழையவில்லை. "கும்பலில் கோவிந்தா என்பதுபோல் அனைத்தும் நடந்தேறுகின்றன".

பல அடிமைகளுக்கு கனிமொழி எதற்காக எப்பேற்பட்ட குற்றச்சாட்டுக்காக சிறையில் அடைக்கப்பட்டார் என்பதே தெரியாது. அல்லது கருணாநிதியும் திமுகவும் தெரிய விடவில்லை. அல்லது கருணாநிதி தனது குடும்பத்திற்காக அனைவரையும் ஏமாற்றுகிறார் எனத்தெரிந்தும் பிழைப்புக்கு வழியின்றி இந்தக்கூட்டம் பின்னின்று வழிமொழிகிறது.

சிறையிலிருந்து திரும்பிய கனிமொழிக்கு திமுக அளித்த வரவேற்பு தேவையற்றது. அவரது ஜாமீன் எந்த நேரத்திலும் ரத்து செய்யப்படலாம் என்று ஜனதா கட்சித் தலைவர் சுப்பிரமணிய சாமி கூறியிருக்கிறார் பொறுத்திருந்து பார்ப்போம்.

விநாச காலே விபரீத புத்தி. என்பது நிச்சியம் ஒருநாள் தெரியவரும்.

மீண்டும் சந்திப்போம்.

Sunday, December 4, 2011

மேற்குலக இராஜதந்திரிகள் அதிர்ச்சி

அரசு  தமிழ்த் தேசியக் கூட்டமைப்பு இடையிலான பேச்சில் விரிசல்நிலை ஏற்பட்டுள்ளதால், கொழும்பிலுள்ள மேற்குலக நாடுகளின் தூதுவர்கள், இராஜதந்திரிகள் கடும் அதிர்ச்சியடைந்துள்ளனர்.
 
தமிழர் பிரச்சினை தொடர்பாக இலங்கை அரசு காத்திரமான நடவடிக்கைகளை முன்னெடுக்கவேண்டும் என மேற்குலக நாடுகள் வலியுறுத்திவரும் நிலையில், அரசியல் தீர்வுத்திட்டம் தொடர்பான பேச்சுகள் ஸ்தம்பிதம் அடைந்துள்ளதானது மேற்கத்தேய நாடுகளைப் பெரும் கவலையடையச் செய்துள்ளது என்று பெயர் குறிப்பிட விரும்பாத மூத்த இராஜதந்திரி ஒருவர் தெரிவித்தார்.
 

இதேவேளை, அரசியல் தீர்வு குறித்தான பேச்சுகள் ஸ்தம்பிதமடைந்துள்ளமை குறித்து தமது நாட்டுத் தலைமைப்பீடத்துக்கு இங்குள்ள இராஜதந்திரிகள் விளக்கமளிக்கும் நடவடிக்கைகளையும் முன்னெடுத்துள்ளனர் என அறியமுடிகின்றது.இந்த வருட இறுதிக்குள் இனப்பிரச்சினைக்குத் தீர்வு எட்டப்படவேண்டும் என சர்வதேசம் வலியுறுத்திவரும் நிலையில், பேச்சுகளில் தடை ஏற்பட்டுள்ளதானது சர்வதேசத்தின் கவனத்தை இலங்கை நோக்கி நகரவைத்துள்ளது என அரசியல் ஆய்வாளர்கள் கருத்துத் தெரிவித்துள்ளனர். 
 
நன்றி, உதயன் இணையம்.

Tuesday, November 29, 2011

தமிழ் மொழி "தரப்படுத்தலுக்கு" அப்துல் கலாம் அவர்களை துணைக்களைக்கும் சிங்கள ராஜபக்க்ஷ,

http://eeladhesam.com/images/stories/cartoon/kaddurai/apdul%20kalaam.gif

திர்வரும் 2012 ஆண்டை, மும்மொழி ஆண்டாக பிரகடனப்படுத்தி, சிங்கள கட்டாய திணிப்பை சட்டமூலமாக்குவதற்கு ஸ்ரீலங்கா அரசுத்தலைவர் மஹிந்த ராஜபக்க்ஷ அறிவிப்பு வெளியிட்டிருப்பதாக தெரிகிறது.

அதன் தொடக்க விழாவுக்கு இந்தியாவின் முன்னைநாள் குட்டியரசுத்தலைவர் அப்துல் கலாம் அவர்கள் பிரதம விருந்தினராக பங்குபற்றி செயல்த்திட்டத்தை தொடக்கி வைக்கப்போவதாகவும், ஸ்ரீலங்காவின் வெளிநாட்டு தொடர்புகள் மந்திரி ஜி எல் பீரிஸ் தெரிவித்திருக்கிறார்.

இத்திட்டத்தால் இலங்கையில் இருந்துவரும் இன பிரிவினைக்கு முடிவுரை எழுதி, நல்லிணக்கத்தை விஞ்ஞான தமிழரான அப்துல் கலாம் அவர்களால், கொண்டுவரமுடியுமாக இருந்தால் வருங்கால வரலாற்றில் அப்துல் கலாம் அவர்களின் பெயர் பொன் எழுத்துக்களால் பொறிக்கப்பட்டு, அனைத்து ஈழத்தமிழர் வீடுகளின் முகப்பில் மகாத்மா காந்திக்கு சமமாக, அப்துல் கலாம் அவர்களின் படம் அலங்கரித்து காலா காலத்துக்கும் கலாம் அவர்களின் புகழ் ஈழத்தில் நின்று நிலைக்கும்.

மாறாக, ராஜபக்க்ஷ உள் நோக்கம் நிறைவேற்றப்பட்டு, தமிழினத்திற்கு குழி வெட்டும் தந்தரத்தை நிறுவ முயற்சித்து, இத் திட்டத்தால் ஈழத்தமிழினத்திற்கு மேலும் தேவையற்ற வகையில் சிறுமை விளையுமாயின். கலாம் அவர்களின், பங்களிப்பும் களங்கத்தில் முடிந்து கசப்பான உணர்வை ஈழத்தமிழர்களிடம் தோற்றுவித்துவிடும்.

கடந்தகால வரலாற்று அனுபவத்தில், சிங்களவனிடமிருந்து பல பாடங்களை தமிழினம் பட்டுணர்ந்திருக்கிறது. அந்த அடிப்படையில் இந்த நிகழ்வும் தமிழர்கள் மத்தியில் ஐயத்தையே தோற்றுவித்திருக்கிறது. காரணம் தமிழர்களுக்கான அடிப்படை வாழ்வியல்பற்றி கருத்திலெடுப்பதற்கே  வெறுப்பைக்காட்டி  தட்டிக்கழிக்கும் சிங்கள மேலாதிக்கவாதிகள் தமிழ் மொழியின் ஆளுமையை அடிபடச்செய்யும் "தரப்படுத்தலின்" ஒரு அங்கமாகவே ராஜபக்க்ஷவின், மும்மொழி ஆண்டு திட்டம், கபட நோக்கத்தை கொண்டிருக்கலாம் என்றே பரவலாக அஞ்சப்படுகிறது. 

இந்திய அரசும், ஸ்ரீலங்கா அரசும், இணைந்து இலங்கையில் இருந்துவரும் தமிழ் சிங்கள இனங்களுக்கான முறுகல் நிலையை சுமூகமாக்க மேற்கொள்ளும் ஒரு முயற்சியென்று உலக அரங்கில் வெளிக்காட்டி நியாயப்படுத்திக்கொள்ள, இலங்கை கடும்போக்காளர்களுக்கு இத்திட்டம் தற்காலிகமாக உதவுமே தவிர. அடிப்படையில் அங்கு வாழும் இனங்களுக்கிடையில் மண்டியிட்டுக்கிடக்கும் சிக்கல்களுக்கு முடிவுகாண விளையப்போவதில்லை. 

"இலங்கை மக்கள் தமிழ், சிங்களம், ஆங்கிலம், என மூன்று மொழிகளிலும் தேர்ச்சி பெற்றிருத்தல் அவசியமாகும். அது தொடர்பான வேலைத்திட்டம் ஒன்றை எதிர்வரும் 2012 ஆம் ஆண்டில் அரசு அமுலாக்கவுள்ளது. என ஸ்ரீலங்கா அரசுதரப்பில் சொல்லப்பட்டிருக்கிறது":.

அதன் உள்ளார்ந்த அர்த்தம் அனைத்து தமிழர்களும் கட்டாயம் சிங்களம் படிக்கவேண்டும், சிங்களம் படித்து தேர்ச்சி பெற்றிருந்தால் மட்டுமே, வேலை வாய்ப்பை பெறமுடியும் என, சட்டப்படி நிறுவ இத்திட்டம் பரிந்துரைக்கப்போகிறது. பாடசாலைகளிலும் சிங்களம் முதல்த்தரமான கல்வி மொழியாக அறிமுகப்படுத்தும் திட்டத்தின் சூழ்ச்சியாகவும் அரசுக்கு இத்திட்டம் உதவும்.

தமிழர்கள் வலுவிழந்திருக்கும் இந்த காலத்தை பயன்படுத்தி 70களில் இருந்த கடும்போக்கு மனநிலையை திரும்பக்கொண்டுவந்து கட்டாய சிங்களம் சட்டமாக்க முழு முயற்சி நடைபெறுகிறது,70 களுக்கு முன்னய மொழித் தரப்படுத்தல். நாட்டில் இன முறுகல் நிலையை தோற்றுவித்து தமிழினம் யுத்தத்தம் புரிய காரணமாக இருந்தது. இன்று தமிழினத்தின் அனைத்து சக்திகளும்  முடங்கிய பலவீன நிலையை சாதகமாக்கி, சிங்களத்திற்கு அனுகூலமான ஒரு காலத்தில் கட்டாய சிங்களச்சட்டம் திணிப்பு தெரிவு செய்யப்பட்டிருக்கிறது.

தொடர்ந்து இழுபறி நிலையில் இருந்துவரும் பேச்சுவார்த்தையை அடிபட்டு போகச்செய்யக்கூடிய மூலக்கூறுகள் இத்திட்டத்தில் மறைந்தும் மறையாமலும் இருக்கின்றன. சிங்களவருக்கு மட்டும் இத்திட்டம் பக்க பலமாக அமையும் என்பதிலும் சந்தேகமில்லை.

கலாமின் மூலம் மறைமுகமாக இந்தியாவின் அங்கீகாரத்தையும் பெற்றதாக இந்த மும்மொழி ஆண்டு மாநாடு பரிந்துரைக்கப்போகிறது. இதனால் இனங்களுக்கிடையே தொடர்ச்சியாக இருந்துவரும் எரிச்சலும், பகமை உணர்வும், அதிகரிக்குமே தவிர ஒருபோதும் இன அமைதிக்கு வழி வகுத்துவிடப்போவதில்லை.
அத்துடன் தமிழர்களின் அரச வேலைவாய்ப்பையும் கபளீகரம் செய்து இல்லாமல்ச்செய்யும் ஒரு கபடத்தனமான உத்தியென்றே இந்த மொழித்திட்டத்தை வருங்காலங்களில் தமிழர்கள் உணரமுடியும்.

இலங்கை மக்கள் தமிழ், சிங்களம், ஆங்கிலம் என மூன்று மொழிகளிலும் தேர்ச்சி பெற்றிருத்தல் அவசியமாகும். என பொருமலாக சொல்லப்பட்டாலும், சிங்களவர் மத்தியில் இந்த கபடத்திட்டம் ஒரு பாதிப்பையும் ஏற்படுத்தப்போவதில்லை. சிங்களவர்கள் எவரும் தமிழை படிக்கப்போவதுமில்லை. அதற்கு சிங்கள கடும்போக்கு கட்சியான ஜேவீபி, மற்றும் ஜாதிக எல உறுமய, அடுத்த சிங்கள பேரினவாதக்கட்சியான யூஎன்பி, போன்றவை ஒருகாலமும் ஒத்துக்கொள்ளப்போவதுமில்லை.

கேட்பதற்கு ஆளில்லாத தமிழர்களின் ஒரே கட்சியான,  தமிழர் தேசியக்கூட்டமைப்பு இந்த விடயத்தில் எந்த எதிர்ப்பை காட்டினாலும் எடுபடாமல் போவதற்கு கலாம் அவர்களின் பிரசன்மம் உதவி புரியலாம்.

இலங்கையில் வாழும் மக்கள் அனைவரும் சகோதரத்துவத்துடன் புரிதலுடன் வாழ்வதற்காக, இதய சுத்தியுடன் இத்திட்டம் அறிமுகப்படுத்துவதாக ஒரு பேச்சுக்கு எடுத்துக்கொண்டாலும் அதற்கு இது சரியான தருணமுமில்லை. அத்துடன் இத்திட்டம்பற்றி இலங்கையின் பூர்வீக தமிழர் தரப்பினருடன் கலந்து நல்ல புரிதலுடன் கலந்துரையாடலை நடத்திய பின் இறுதி கண்டிருக்கவேண்டும்.

அப்துல் கலாம் அவர்கள், தமிழ் மொழியை தாய்மொழியாக கொண்டவராக இருந்தாலும், 2002ல் இருந்து 2007 வரை அவர் இந்திய ஜனாதிபதியாக கடமையாற்றிய காலத்தில், ஈழத்தமிழர்களின் நெருக்கடிகளை அவர் முகங்கொடுத்து தரிசித்திருக்கிறார். ஆனாலும் அப்போ கலாம் அவர்கள் எதையும் அறிந்துகொண்டதுபோல் அசைவையாவது காட்டிய தருணங்கள் எதுவும் வரலாற்றில் காணப்படவில்லை.

பதவியிலிருந்து விடுபட்ட, 2008, 2009 களில் மிக மூர்க்கமான ஈழ படுகொலை தருணங்களிலும் தனிமனிதனாக மனிதாபிமான நோக்கத்துடனும் அவர் எந்தவிதமான அதிர்வையோ அசைவையோ காட்டவில்லை.

ஈழத்தமிழர்களின் தரப்பினருடன் முன் ஆலோசனை எதுவுமின்றி, ஒருமுக நோக்கோடு தன்னிச்சையாக ஜனாதிபதி இப்படி ஒரு திட்டத்தை வரையறுத்திருப்பது கட்டாய சிங்களச்சட்டம் அமூலுக்கு வருகிறது அனைத்து தமிழரும் ஏற்றுக்கள்ளுங்கள் என்ற சவாதிகாரமாகவே பார்க்கப்படும். இந்த அடிப்படையை  கலாம் அவர்கள் அறிந்திருக்காமல் இருக்க முடியும். இனியாவது புரிந்துகொள்வார் என நம்பலாம்.

1970 களில் ஆரம்பித்த சிங்களவரின் இந்த வக்கிர தரப்படுத்தல் மனநிலதான் விடுதலைப்புலிகள், மற்றும் பலவிடுதலை இயக்கங்களை, இலங்கையில் பிரசவித்திருந்தது.

ஜனாதிபதி ராஜபக்க்ஷவின் இந்தத்திட்டத்தை தமிழினம் கருத்தில் எடுத்துக்கொள்ளுமா என்பதையும் சம்பந்தப்படுபவர்கள் சிந்திக்க கடமைப்பட்டுள்ளனர். நிலமை இப்படியே தொடருமானால் இன்னுமொரு பத்து வருடங்களில் மீண்டும் ஒரு ஆயுதப்போராட்டம் தவிர்க்க முடியாத ஒன்றாக ஆகும் அபாயத்தை இலங்கை சந்திக்கும்.

ஏற்கெனவே இலங்கையில் மும்மொழியும் படித்திருக்கவேண்டுமென அரச சார்பில் கட்டாயப்படுத்தப்படிருந்தது. ஆனால் அது நடைமுறை சாத்தியமாகவில்லை. பொதுமொழியான ஆங்கிலம் இணைப்புமொழியாக இருந்து வருவதுதான் காலகாலமாக வழக்கத்தில் இருந்து வருகிறது. தேவை கருதி சில தமிழர்கள், பிரதேசசூழல் சார்ந்து சிங்களம் படித்தறிந்திருக்கின்றனர் என்பதையும் மறுப்பதற்கில்லை. அதேபோல மிகக்குறைவான ஒருசில சிங்களவர்களும் தமது நலன்சார்ந்து தமிழ் கற்றறிந்திருக்கலாம்.

இன்று இனங்கள் உடைந்து காணப்படும் ஒரு நெருக்கடியான காலகட்டத்தில் தமிழருக்கான ஒரு தீர்வுத்திட்டத்தை அமூல்ப்படுத்திய பின், ஆற அமர சிந்தித்து பல புரிதல்களின் பின் கைவைக்கவேண்டிய செயல்த்திட்டமான ஒரு செயல்த்திட்டத்தை அவசரப்பட்டு சிங்கள அரசு செயல்ப்படுத்த முனைவதன் பின்னணியும் பலரையும் சிந்திக்க தூண்டும் ஒன்றாகவே இருக்கிறது.

வீடுவாசல் குடியிருப்பு, மீள் குடியமர்வு, கல்விநிலையங்கள் சரிவர இயங்காத சூழல் வாழ்வாதாரம் ஆகிய முன்னணி பிரச்சினைகள் சீர்செய்யப்படவில்லை. மாறாக தமிழர்கள் மத்தியில்  சிங்கள குடியேற்றங்களையும் மொழி விதைப்பையும், முதல்த்தரமாக்கி நடைமுறைப்படுத்த இத்திட்டம் ஆரம்பிக்கப்பட்டிருக்கிறது என்பதே உண்மை. இந்த மொழி விதைப்பின் மூலம் சிங்கள ஆசிரியர்கள் தமிழ்க்கிராமங்கள் அனைத்திலும் விதைக்கப்படவுள்ளனர்.

சான்றாக 26.11,2011 அன்று பாராளுமன்றத்தில் கிளி/ பாஉ சிறிதரன் அவர்கள், தீர்வுத்திட்டத்தின் பின்னணி பற்றி அரசாங்கத்தின் சதிகள் பற்றியவிரிவான ஒரு உரையை நிகழ்த்தினார், 2009 மே,க்கு பின்னரான நடப்பு அரசியல் எத்திசையை நோக்கி நகர்கிறது என்பதை அந்த உரையின் மூலம் அம்பலப்படுத்தியிருந்தார், தமிழ் புரியாத சிங்கள எம்பிக்கள் பாராளுமன்றச்சபையில் இருந்தபோதும் தொடர் குறுக்கீடுகளிற்கிடையில் அந்த உயிரோட்டமான உரை நிதானமாக நிகழ்த்தப்பட்டிருந்தது.

சிங்கள எம்பிக்களுக்கு தமிழ் தெரியாவிட்டாலும் சில தமிழ்பேசும் கறுப்பு ஆடுகள் சிறிதரன் அவர்களின் உரையின்போது இடைமறித்து ஆட்சேபணை தெரிவித்து சிங்களவனுக்கு வக்காளத்து வாங்கி, உரையை மொழிபெயர்த்து சிங்களவனுக்கு காட்டியதையும் காண முடிந்தது.

இலங்கையின் நடப்பு அரசியல் நிலைவரம் இவ்வாறு இருக்கும்போது மும்மொழி ஆண்டு,, சிங்கள பிரகடன வைபவத்தில் கலாம் அவர்கள் கலந்துகொள்ளுவதன் மூலம் அடிபட்டுக்கிடக்கும் தமிழினத்தின் மனதையும் வாழ்வியலையும் இளக்காரம் செய்து புண்படுத்துவது தவிர வேறு எதையும் செய்துவிட முடியாது.

கலாம் அவர்கள் 2002 ஆண்டு முதல் ஐந்து வருடங்கள் இந்தியாவின் ஜனாதிபதியாக உச்ச நிலையில் இருந்திருக்கிறார். அடிப்படையில் கலாம், தமிழை தாய் மொழியாகக்கொண்டவர் என்ற வகையிலும் இலங்கையில் வாழும் சிறுபான்மை தமிழர்கள் சிங்களவர்களின் கொடுமைகளில் எவ்வளவு துயரத்தை அனுபவித்திருக்கிறார்கள் என்பது பற்றியும், தமிழர்களுக்கான அரசியல் பொருளாதார மொழி சம்பந்தப்பட்ட நிலை எப்படிக் கையாளப்பட்டது, என்ற அனைத்து நிலைவரங்களும் அவர் அறிந்தவராகவே இருப்பார்.

2009ல் தமிழர்களை கொன்றுகுவிக்க காங்கிரஸுக்கு உதவிய கையுடன் தன்னை விளம்பரப்படுத்தி கொலைப்பழியை மூடி மறைக்க கோவையில் பல நூறு கோடிகளை கொட்டி 2010 ஜூன் செம்மொழி மாநாடு நடத்தி வக்கிரத்தை வெளிப்படுத்தினார். கருணாநிதி, அதே பாணியை பின்பற்றி சிங்களவர் மத்தியில் மும்மொழி மாநாடு என்ற பெயரில் தரப்படுத்தல் மாநாடு ஒன்றை நிறுவ ராஜபக்க்ஷ முனைப்புடன் நிற்கிறார்.

ஏமாற்று நோக்கமில்லாமல் நேர்மையோடு திட்டமிடப்பட்ட அரசியல் ரீதியான தீர்மான முன்மொழிவுடன், தலையீடு ஒன்றை இந்தியா தனது ஆளுமையை பிரயோகித்து இலங்கைக்குள் மாற்றம் காண செய்யமுடியுமே தவிர, ராஜபக்க்ஷவுடன் பேசுகிறோம் வலியுறுத்துகிறோம் என்பதெல்லாம் கண்துடைப்பு என்பது வெட்ட வெளிச்சமாக தமிழர்கள் மட்டுமல்லாது உலக அரங்கிலும் அறியப்பட்டுவிட்டது,

இறுதிப்போரை முன்னின்று நடத்த இலங்கைக்கு உதவிய இந்தியா, தமிழர்களுக்கு சார்பாக எதையும் செய்ய இயலாத சிக்கலில் இருப்பதும் சர்வ லோகமும் அறிந்த உலகப்பரகசியம்.

போராட்டத்தின்போதும் சரி, போராட்டம் முடிவுக்கு வந்தபின்னும் சரி, இனப்பிரச்சினை சம்பந்தமாக இந்தியாவிலிருந்து இலங்கைக்கு எவராவது தூது சென்று எந்தவித இடையூறுமில்லாமல்  திரும்பியிருந்தால் அது ஈழத்தமிழினத்திற்கு அள்ளிவைத்த பயணமாகவே இருந்திருக்கிறது.

பிரணாப் முகர்ஜி, நிருபாமா ராவ், சிவ் சங்கர்மேனன், எஸ் எம் கிருஷ்ணா, திமுக காங்கிரஸ் எம்பிக்கள் குழுவினரான கனிமொழி, டி ஆர் பாலு, திருமாவளவன். நடிகை அசின், ரஞ்சன் மத்தாய்,  இறுதியாக காங்கிரஸ் எம்பி சுதர்சன நாச்சியப்பன், இவர்கள் இலங்கைக்கு சமாதான தூதுவர்களாகச்சென்று  திரும்பியவர்கள்,இவர்கள் உலகத்தை ஏமாற்ற இராசதந்திரிகளாக போய்வந்தனரே தவிர, தமிழர்களுக்கிடையில் கிடந்த ஒரு துரும்பையும் தூக்கி அகற்றிவிடவில்லை, மாறாக ராஜபக்க்ஷவின் கருத்தை முன்மொழிந்து தமிழினத்தை காட்டிக்கொடுத்து, ராஜபக்க்ஷவிடம் விருந்துண்டு பரிசும் வாங்கி மகிழ்ந்திருக்கின்றனர்.

இந்த உருப்படிகள் இலங்கைக்கு சென்றுவந்ததால் தமிழினம் செத்து சிறுமைப்பட்டதே தவிர மகிழ்ச்சியை அடையவில்லை. இன்றைக்கும் இந்தியாவிலிருந்து அரச அனுசரணையுடன் தமிழருக்காக தூது செல்வதாக எவர் புறப்பட்டாலும் தமிழினம் பதகளித்து அஞ்சுகிறது.

போரின்போது இந்தியாவிலிருந்து பல அரசியல் தூதுவர்கள் ஸ்ரீலங்காவுக்கு சென்று திரும்பியதும், பல ஆயிரக்கணக்கானவர்கள் ஸ்ரீலங்கா படையினரால் சுட்டுக் கொல்லப்பட்டனர். சர்வதேச தலையீடுகூட இந்த இந்திய தூதுவர்களின் நயவஞ்சகத்தால் தடுக்கப்பட்டது.

அவை ஒருபுறமிருக்க சாதாரண சினிமா நடிகையான அசின், பொழுது போக்கி விடுமுறையை க(ளி)க்க இலங்கைக்கு சென்றிருந்தார், சென்றவர் அங்கு அமைதி தூதுவராக அவதாரம் எடுத்து தன்னிச்சையாக இந்தியாவிலிருந்து சில டொக்டர்களை அழைத்து, பாவப்பட்ட தமிழர்களுக்கு கண் சிகிச்சை செய்து திரும்பியதாக விளப்பரப்படுத்தினார். ஆனால் பல ஏழை தாய்மார்களின் கண்பார்வை பறிபோனதாக பின்னர் உறுதியானது. ஆனால் எவராலும் எந்த நடவடிக்கையும் எடுத்து நடிகை அசினை தண்டிக்க முடியவில்லை.

ஆனால் ஸ்ரீலங்கா இந்திய அரச விருந்தினர் அல்லாமல், நிலவரத்தை பார்த்து அறிந்துவரச்சென்ற உணர்வாளரான தமிழகத்தின் வழக்கறிஞர் கயல் என்கிற அங்கயற்கண்ணி, ஸ்ரீலங்கா பொலிஸாரால் கைது செய்யப்பட்டு 4ம் மாடிக்கு கொண்டு செல்லப்பட்டு மிகவும் தொல்லைக்கப்பட்டார். நேர்மையானவர்கள் எனக்கருதப்படும் தமிழின ஆர்வலர்கள் எவரும் இலங்கைக்குள் செல்ல முடியவில்லை.

தமிழ் உணர்வு காரணமாக ஆரம்பகாலங்களில் சுயமாக கடல்வழி பயணம் செய்து தேசியத்தலைவரை சந்தித்த வைகோ அவர்களை திமுக தலைவர் கருணாநிதி, கொலை குற்றமும் சாட்டி கட்சியிலிருந்து வெளியேற்றினார். பின் ஒரு சந்தர்ப்பத்தில் தமிழீழம் சென்று தலைவர் பிரபாகரன் அவர்களை சந்தித்து திரும்பிவந்த சீமானை, முன்னாள் முதல்வன் கருணாநிதி,  5முறை கைது செய்து இறுதியாக தேசிய பாதுகாப்புச்சட்டத்தை பாவித்து சிறையில் அடைத்தார்.

இவைதான் நடைமுறை, எவர் இராச மரியாதையுடன் இலங்கை பயணம் மேற்கொண்டாலும் அதனால் ஸ்ரீலங்கா அரசுக்கு ஏதாவது இலாபமூட்டும் நோக்கமாகவே இருக்கும். தூது செல்பவர்களின் பயணம் தமிழர்களுக்கு ஒரு பின்னடைவையே பெற்றுத்தந்திருக்கிறது. நல்ல மனிதர் என பெயர் எடுத்த அனுபவ முதியவரான அப்துல் கலாம் அவர்கள் சற்று சிந்தித்து செயற்படுவார் என்றே நம்பலாம்.

இலங்கை இனப்பிரச்சினை தொடர்பாக இந்தியா தலையிட்டபோது தமிழகத்தை மனதில் நிறுத்தி, ஈழமக்கள் மனம் மகிழ்ந்ததுண்டு. ஆனால் அனைத்தும் ஏமாற்றமாகிவிட்டது. ஸ்ரீலங்கா அரசுக்கு ஆதரவான இந்தியாவின் தலையீடு,, தூதுவர்களின் பயணம்,, பல இலட்சம்பேர் அழியக்காரணமாக இருந்தது.

தற்போது யுத்தம் முடிவடைந்து சர்வதேச பார்வை பட்டிருக்கும் நேரத்தில் மீண்டும் இந்தியாவின் வலிந்த தலையீடு எஞ்சியிருக்கும் மக்களின் மொழி மற்றும் வாழ்வாதாரத்தையும் தகர்த்துவிடுமோ என நிகழ்வுகள் அச்சப்படுத்துகின்றன. இது பட்டுணர்ந்த பயமாகவும் இருக்கக்கூடும். இந்தத்தொடரில் அப்துல் கலாம் அவர்களின் பயணமும் தமிழர்களின் மொழி மூலத்தையே அழித்துவிடுமோ என்ற அபாய சமிக்ஞை உள்ளூர அனைத்து தமிழர் இதயத்திலும் ஒலிக்கிறது.


ஈழதேசம் இணையத்திற்காக.
கனகதரன்.
நன்றி ஈழதேசம் இணையம்.

Sunday, November 27, 2011

ஈழத்தின் தீர்மானங்கள்,


 அகன்று திரண்டு அன்பு கனிந்தொரு
அன்னை வளர்த்தாலும்-பிள்ளை
தெருவில் நடந்தொரு பள்ளி பயின்றிட
எதிரி தடையாக.

நிமிர்ந்து எழுந்தனர் கருவி சுமந்தனர்-புலி
தமிழர் படையாகி
களங்கள் திறந்தனர் சமரில் உயர்ந்தனர்
உலகம் வியந்தாக.

படையில் விழுவதும் எழுந்து நிமிர்வதும்
புதிய விதியல்ல
விழுந்த மாவீரர் விதையா யாயினர்
எழுவார் என்றென்றும்.

படலை திறந்தொரு தெருவில் இறங்கிட
பயந்து சிலரோட
நடுத்தெருவில் பலர் கதை முடிந்து
சாவொரு மலிந்த நிலையாக,

களங்கள் திறந்து சுழன்று சமரிடை
புலி நிமிர்ந்த மாவீரன் 
குருதி படிந்து புதைந்து கிடந்தமண்
கோவில் லாகாதோ.

சதிகள் குவிந் தொரு நிலையில்
மனமது தளந்து போகாமல்
விமானத் தளங்கள் அழிந்தன
களங்கள் எரிந்தன தமிழர் படையாலே.

திருவில் பிறந்தவள் சிறந்து பயின்றவள்
சிங் களச் சதியை பொறுக்காமல்
குமுறல் விரிந்தொரு சினந்து புலியென
விதந்து களமாட,

குருவி பறந்தது போல ஒரு ரவை
கூவித் துளைத்தோட
கருவி சுமந்தவள் காவலரணிலே
காவிய மானாளே.

உருவை மறைத்தொரு விமானம்
பறந்திடை குண்டு மழை வீச
கொடுமை தகர்த்திட பிறந்த புலியது
இன்று விதையாகி.

மறந்து கிடப்பது (உடை) துறந்த நிலையென
என்று ஆகாதோ
மண் மறைந்து கடலென ஆகிப்போகினும்
மறந்து போவோமோ.

மனித உருவிலே பிறந்த வினையது
"மஹிந்த" நரமாகி
பெரும் படையை நகர்த்தினான்
மரபு மீறியோர் மலிந்த திணையோடு.

எரிந்து தனலொடு மரங்கள் அடியினில்
மறைந்த மாவீரர்.
எழுந்து ஆடுவர் திரும்ப கூடுவர்
மறந்து போகாதே.

ஊர்க்குருவி.
நன்றி ஈழதேசம் இணையம்.

Saturday, November 26, 2011


தேசியத்தலைவர் மேதகு வேலுப்பிள்ளை பிரபாகரன் அவர்களுக்கு. உலக தமிழர் பிறந்தநாள் வாழ்த்துக்கள்.


ஈழத்தமிழர் இதயத்தின்
முழு முதலான
வீரமகன் வாழியவே!
தமிழன் வீரத்தில் வரலாறு
எழுதிய
வெற்றியின் நாயகன் வாழியவே!

கண் தூங்கா விண்ணுயர்
காவலனாம்
கலங்கரை விளக்கம் வாழியவே!

போராட்ட பரிமாணத்தின்
கூர் தீட்டி
புதுமைகண்ட விஞ்ஞானி வாழியவே!

நவீன சிந்தனையில்
வரி தொகுத்த
நாலடி விருத்தம் வாழியவே!

தீமையின் கண்களுக்கு
தீயான
சிம்ம சொப்பனம் வாழியவே!

அரசியல் செய்யாமல்
அகிலம் வென்ற
ஆளுமையின் சிகரம் வாழியவே!

தன்நலன் கொள்ளா
புதுமை கொண்ட
தனித்தலைவன் வாழியவே!

அளவில்லா ஆற்றல் கொண்ட
நடமாடும்
ஆதவன் நீ வாழியவே!

சோவென்று மழைபோன்ற
செருக்களத்தின்
செயல் வீரன் வாழியவே!

தந்தவனின் கடன் தீர
என்றைக்கும் மறவாத
சங்கரன் நீ வாழியவே!

எல்லாளன் நிழல் பிறந்த
வல்லாளன்
எரிமலை நீ வாழியவே!

பார்வதி பெற்றெடுத்த
பைந்தமிழ்
பரம்பொருள் நீ வாழியவே!

சீருடையில் சிறப்பென்று
பார்போற்றும்
நேரான சூரியன் நீ வாழியவே!

சாவினை வென்று வந்த
சரித்திரமே
சத்தியமே வாழியவே!

மூலம் அறியாத முழுமுதலே
காலம் ஈர்ந்தளித்த
கற்பகம் நீ வாழியவே!

ஊர்க்குருவி.
நன்றி ஈழதேசம் இணையம்.

Friday, November 25, 2011

உலகம் வியந்த உன்னதத் தலைவன் உதித்தநாள்,, ஈழத்தின் மண் உயிர் நிலை பெற்றநாள்.26.11.2011.

உன்னதமான எம் தலைவன் மேதகு வேலுப்பிள்ளை பிரபாகரன் அவர்களின், ஐம்பத்து ஏழாம் அகவைநாள் . அவரை வாழ்த்த வரியில்லை!


தமிழ் இலக்கியத்தின் வழக்கிலுள்ள அத்தனை உவமைகளும் தலைவனின் பெருமை பகர்ந்து ஏற்கெனவே எழுத்தில் வடிக்கப்பட்டுவிட்டன,  வாஞ்சையுடன் தலைவனை பாராட்ட ஒப்பற்ற சொல் இனி இல்லை. இருந்தும் என்றென்றும் எம் ஒரே தலைவன் வாழ்வாங்கு வாழ்வாங்கு பல்லாண்டு வாழியவே என மனதார வாழ்த்துவோம்!.

உளப்பூர்வமாக உரிமையில் நான், என் தலைவன் என்பேன். என் அண்ணனும் தம்பியும் அக்காளும் தங்கையும் தன் தலைவன் என்பர். அம்மாவும் அப்பாவும் தமது தலைவன் என்கின்றனர். நாடு தன் தலைவன் எனும். மொத்தத்தில் அவர் பிரிக்க முடியாத எம் தலைவர் என்போம். இரத்த நாளத்தில் உணர்வையூட்டி உலகத்தில் எங்களை இனங்காட்டிய ஒப்பற்ற கற்பகமாம் எம் தலைவனை எங்கிருந்தாலும் ஆயிரம் ஆயிரம் ஆண்டுகள் வாழிய! வாழிய!! வாழியவே!!! என்று ஒருவினையாக வாழ்த்துவோம்!.

மேதகு தலைவனின் பிறந்தநாள் போற்றுவோம்
வீரியம் புகழ்பட ஆண்டுகள் நீண்டிடும்
ஈன்றவள் பார்வதி பாதம் பணிகிறோம்- திரை
மீண்டிடும் நாள்வரும் மாயைகள் விலகிடும்.
தோன்றிய இடரெலாம் தூசாய் மறைந்திடும்
ஐம்பத்து ஏழொடு ஆண்டுகள் தொடர்ந்திடும்.

தலைவனின் பிறப்பது உலகத்தின் அதிசயம்
சத்தியம் உண்மையில் அவர் ஒரு மெல்லினம்
நிறமதில் கறந்தபால் போன்றதோர் மனதிடை
நிமிர்ந்தவர் சினங்கொள்ள வைத்தது சிங்களம்.
தமிழனின் சிறுமையை கண்டவர் பொங்கினார்
தம்பியாய் சிரிப்பினில் நெஞ்சினில் தங்கினார்.

தமிழனின் உதிரத்தில் உணர்வின விதைத்தவர்.
தனியொரு ஒழுக்கத்தில் உலகத்தை வென்றவர்
ஒப்புக்கும் மழுப்பலாய் செப்பிட  மறந்தவர்
ஒருகணம் பயத்தினை உணர்ந்திட ஒறுத்தவர்.
உறுதியில் அவர் ஒரு பெருமலை யென்பதும்
உண்மையில் எதிரியின் எரிமலை யல்லவோ

சீருடை அவர்க்கென பிறந்தது என்றனர்- வெள்ளையர்
தேசமும் அதனையே பகர்ந்தது திண்ணமாய்
வெள்ளையர் மற்றவர் விதந்தனர் புகழ்ந்தனர்
வீரனாய் உலகத்தில் ஒருவனே என்றனர்.
சிரம் தாழ ஒருபோதும் நடந்ததுமில்லை- அவர்
சிங்களன் மண்ணுக்காய் விதந்தாட வில்லை.

சாவொரு காலமும் நெருங்கிடா துண்மையே
தலைவனின் வழியொரு பிழைவரா திண்ணமே
காலமும் சதிகளும் குறு தடை போடலாம்
கடைநிலை சத்தியம் வெல்லுமே காணலாம்.
ஆயிரம் வரிப்புலி விதைநிலை உள்ளனர்
வானமே சிதறினும் வரிப்புலி வெல்லுவர்.

நிமிர்ந்தொரு நடையது பெரு முதலாக- தலைவனின்
நேர்கொண்ட கொள்கையே மந்திரமாக
வரமது போற்றிடும் தலைவனே வாழ்க- நீ
பிறந்தது தமிழனின் பெரும் பேறது வாக.
அலைகடல் தாண்டியும் நின்புகழ் மேவின
ஐம்பத்து ஏழொ டாண் டாயிரம் வாழ்க!

கனகதரன்
நன்றி ஈழதேசம் இணையம்.

Saturday, November 19, 2011

பொன்சேகாவுக்கு 3 வருஷ நீடிப்பு, கூத்தாடி குசும்பன்.18,


  விடுதலைப் புலிகளின் அரசியல் துறைப்பொறுப்பாளர் நடேசன் மற்றும் சமாதானச் செயலகப் பொறுப்பாளர் புலித்தேவன் ஆகியோர் உட்பட வெள்ளைக்கொடியுடன் சரணடைந்த புலி உறுப்பினர்கள், கோத்தபாயவின் கட்டளைக்கு அமைய சுட்டுக்கொல்லப்பட்டாகள் என்று முன்னாள் இராணுவத் தளபதி சரத் பொன்சேகா கூறியதற்கு எதிராக அரசு சார்பில் தாக்கல் செய்யப்பட்டிருந்த வழக்கில் பொன்சேகா பொய் கூறினார் என தீர்ப்பளித்த ஸ்ரீலங்காவின் மேல் நீதிமன்றம் அவருக்கு மூன்று வருட சிறைத்தண்டனை விதித்திருக்கிறது.

ஏற்கெனவே சிறையில் அடைக்கப்பட்டு விசாரிக்கப்பட்டுவரும் நச்சுப்பாம்புகளில் ஒன்றான முன்னாள் இராணுவத்தளபதி சரத் பொன்சேகா வெளியில் வந்தால் ராஜபக்க்ஷகளை காட்டிக்கொடுத்து திருப்பி தாக்கக்கூடும்.  அடிபட்ட பாம்பான பொன்சேகா சர்வதேசத்தில் அறியப்பட்டுவிட்டார் என்பதையெல்லாம் கருதி தமக்கான காலம் கனியும்வரை பொன்சேகாவை ராஜபக்க்ஷ தரப்பு சிறையில் வைத்திருக்க விரும்பியிருக்கக்கூடும்.

புலம்பெயர் நாடுகளில் வாழும் தமிழர்கள் மூலம் ராஜபக்க்ஷவுக்கு  இருக்கும் பூதாகரமாக சிக்கல்கள் போதாதென்று, இன்னும் சிக்கலை பெரிதாக்கி சர்வதேசத்திடம் பொன்சேகா போட்டுக்கொடுக்கவும்கூடும் அது ராஜபக்க்ஷவுக்களுக்கு பெருத்த அனுட்டக்குற்றமாக அமையும் என்பது அனைவரும் அறிந்ததே. 

புதிதாக இன்னும் ஒரு சிக்கலை தோற்றுவிக்காமல் காதும் காதும் வைத்தாற்போல சிறையில் இருக்கும் பொன்சேகாவுக்கு தொடர்ந்து பாணும் சம்பலும், கிரிபத்தும், சாப்பிட மூன்றுவருடம் நீட்டி ராஜபக்க்ஷக்களின் விருப்பத்திற்கமைய நீதிமன்றம் தீர்ப்பு கூறியிருக்கிறது.

இதொன்றும் ஸ்ரீலங்காவுக்கு புதினமான சமாச்சாரமும் கிடையாது. ராஜபக்க்ஷவை எவர் எதிர்த்தாலும் இதுதான் கதி என்பதை மீண்டும் ஒருமுறை நீதிமன்றத்தின் மூலம் அராஜகம் நியாயப்படுத்தப்பட்டிருக்கிறது. ஒருவிதத்தில் அதுதான் காலத்தின் கட்டளையும். ஏனென்றால் காரணம் எதுவாகவும் இருக்கலாம் ஆனால் சரத் பொன்சேகாவும் சாகும் வரை சிறையில் இருக்கவேண்டிய படுகொலைக்குற்றவாளியே.

வெற்றிவிழா நிகழ்ச்சி நடத்திய ஒரு சந்தற்பத்தில் இராணுவ வீரர்கள் மத்தியில் ராஜபக்க்ஷ பேசும்போது இராணுவ வீரர்கள் நாட்டின் கண்கள் என்றும், மண்ணின் மைந்தர்கள் என்றும், வாணளாவ புகழ்ந்து தள்ளிய மஹிந்தர், தான் நாட்டுக்காக உயிரை விட்டாலும் விடுவேனே தவிர போர் வீரர்கள் எவரையும் எந்தச்சந்தற்பத்திலும் காட்டிக்கொடுக்கமாட்டேன் என சபதமிட்டு சத்தியம் செய்திருந்ததை எவரும் மறந்திருக்க முடியாது.

சமீபத்தில் சர்வதேசம் ராஜபக்க்ஷவை கை கழுவி கைவிட்ட நிலையில். நண்பன் இந்தியாவும் திகைப்பூண்டில் கால் வைத்து திகைத்த நிலையில் தடுமாறிக்கொண்டிருக்கிறது. இருந்தும் சட்டத்தின் ஓட்டைகளையே பாவித்து மக்களை ஏமாற்றிக்கொண்டிருக்கும் இந்தியா, ராஜபக்க்ஷவுக்கு தனது ஆலோசலையை அவிழ்த்துவிட்டு சட்டத்தின் ஓட்டையை பாவிக்க சொல்லிகொடுத்திருக்கலாம் என சந்தேகிக்கப்படுகிறது.

இந்தியாவின் ஆலோசனைக்கேற்ப, கேணல் ரமேஷ் மற்றும் விடுதலைப்புலிகளின் போராளிகளை கொலைசெய்ததன் மூலம் மனித உரிமையை மிறி நடந்தார்கள் என சில ராணுவச்சிப்பாய்களை குற்றவாளியாக்கி தான் தப்பிக்க ராஜபக்க்ஷ தந்திரம் தேடி சில நோய் ஆடுகளை  (இராணுவத்தினரை) பலிகொடுக்க தாயாராகி விட்டதாக செய்திகள் தெரிவிக்கின்றன.

இந்தியா இலங்கை இரு பிரிவும் மலைதீவில் அலசி ஆராய்ந்து தேடிய வகையில் கையில் கிட்டிய மருந்து. சில இராணுவ வீரர்களை பிடித்து. போர்க்குற்றவாளியாக்கி ஒப்புக்கு சிறையில் சிலகாலம் அடைத்துவிட்டால் சர்வதேசத்தின் கண்களுக்கு சர்வமும் சரியாகிவிடும் என்பது இவர்களின் கணக்கு.
இந்த விளையாட்டை கச்சிதமாக செய்தால் சர்வதேசம் அடங்கிவிடும் பிறகு மீதியை பார்த்துக்கொள்ளலாம் என திருடர் கூட்டம் திட்டம் தீட்டப்பட்ட்டிருப்பதாக செய்திகள் வலம்வருகின்றன, இந்த விளையாட்டு எங்கு சென்றுமுடியும் என்பது போகப்போக தெரியவரும்.
கேணல் ரமேஷ் அவர்களை சித்திரவதை செய்து படுகொலை செய்த புகைப்பட விடியோ ஆதாரமும் வெள்ளைக்கொடியுடன் சரணடைந்த அரசியல்ப்பொறுப்பாளர் நடேசன் மற்றும் புலித்தேவன் அவர்களின் படுகொலைச்சம்பவங்களும் முதல்த்தரமான போர்க்குற்றமாக சர்வதேசத்தால் நோக்கப்படுவதாக தெரிகிறது.
"பாட்டும் நானே பாவமும் நானே" என்றுதான் ராஜபக்க்ஷ இலங்கையை வழிநடத்தி வந்தார். இப்போ பாட்டை மாற்றி "பாடும் உனை நானா பாடவைத்தேன்" என்று இராணுவத்தினர் மீது குற்றம் சுமத்த தயாராகிறார். குற்றவாளிகள் அனைவரும் இனங்காணப்படும்வரை மாறி மாறி ஒருவரை ஒருவர் குற்றம் சுமத்தி முடிவில் "எளியாரை வலியார் வருத்தினால் வலியாரை தெய்வம் வருத்தும்" என்ற கதையுடன் எல்லாம் முடிவுக்குவரும்.

ஸ்ரீலங்காவின் ஜனாதிபதியான மஹிந்த ராஜபக்க்ஷ ஸ்ரீலங்கா இராணுவத்தின் பிரதம தளபதியாக மட்டுமல்ல முப்படைகளின் தளபதியுமாவார், அத்துடன் ஸ்ரீலங்காவின் பாதுகாப்பு மந்திரியாகவும் மஹிந்த ராஜபக்க்ஷவே இருந்து வருகிறார். அவருக்கு அடுத்த நிலையில் பாதுகாப்பு அமைச்சின் அனைத்து அதிகாரமும் கொண்டு. அசைக்கமுடியாத கட்டளையிடும் சர்வ அதிகாரம் கொண்டவராக இருப்பவர் ஜனாதிபதியின் உடன்பிறப்பான கோத்தபாய ராஜபக்க்ஷ.

இவர்களுக்குப்பின் பசில் ராஜபக்க்ஷ, நாமல் ராஜபக்க்ஷ, சமல் ராஜபக்க்ஷ. இன்னும் பல பக்க்ஷக்கள் இருந்தும். இவர்களது கட்டளையில்லாமல் 100 இராணுவ சிப்பாய்கள் மனுநீதியை மீறி நடந்துவிட்டனராம்.

ஏதோ வகையில் குற்றம் சாட்டப்பட்ட சரத்பொன்சேகா போர் முடிவடையும்வரை முன்னணியில் நின்றவர். மஹிந்த மற்றும் கோத்தபாயவின் கட்டளைகளை நிறைவேற்றியவர் பொன்சேகா. பொன்சேகா கூறியபடி அரசியல் பொறுப்பாளர் நடேசன் புலித்தேவன் உட்பட்ட முந்நூறுபேர் கொல்லப்பட்டதாக குற்றச்சாட்டு உண்டு. அந்தச்சந்தற்பத்தில் சகல அதிகாரிகளிடமும் தொடர்பிலும் இருந்தவர் கோத்தபாய, மற்றும் பசில் ஆகியோர். ஆனால் இன்று பலியாடாக இருப்பவர்கள் மூன்றாம் நிலையில் உள்ள இராணுவ சிப்பாய்கள்.

ஆனால் காலம் குறிப்பிட்ட வேஷதாரிகள் ஒருவரையும் தப்பாமல் சரியாக வெவ்வேறு விதங்களில் இனங்காட்டிக்கொண்டிருக்கிறது.

இனப்படுகொலைக்கு அஸ்த்திவாரமிட்டு மூர்க்கமான துவேஷத்துடன் நின்று சதிராடியவர். மஹிந்த ராஜபக்க்ஷ.

அனத்துக்கும் கை கொடுத்து சதிசெய்து சர்வதேசத்தை தலையிட விடாமல் வஞ்சகமாக போரை நடத்தி இனப்படுகொலைக்கு உதவிய நாடுகளில் முன்னணியில் நின்றது இந்தியா. 

இந்தியாவின் ஈனமான படுகொலைக்கு வேஷம் கட்டி நாடகங்கள் மூலம் நீலிக்கண்ணீர் வடித்து மக்களை ஏமாற்றி உதவி புரிந்தவர் கருணாநிதி.

மஹிந்தருக்கு வலது கரமாக செயற்பட்ட சரத் பொன்சேகா காலத்தின் கட்டளைப்படி சிறையில் வாடுகிறார். மஹிந்தர் சுற்றி சுருக்கு கயிறு தொங்க கான்ஸர் நோயினால் பாதிக்கப்பட்டிருப்பதாகவும் தகவல்கள் வந்திருக்கின்றன. அவை ஒருபுறம் இருந்தாலும் மஹிந்தரை உலகம் நிம்மதி இழக்க வைத்திருக்கிறது, அவர் போகுமிடமெல்லாம் அவதிப்படுவது உலகறிந்த உண்மையாக தெரிகிறது.

அடுத்து முண்டுகொடுத்து உதவிய நாடு இந்தியா. இந்தியாவை ஆட்சி செய்யும் காங்கிரஸ் இன்று அரசியலில் ஸ்திரத்தன்மை இல்லாமல் ஊழல் குற்றச்சாட்டுக்களிலும். இலங்கைக்குள் ஊடுருவிவிட்ட சீனாவை எதிர்கொள்ளுவது எப்படி என்ற தள்ளாட்டத்தில் திகைப்பூண்டில் மிதித்துவிட்ட திருடன்போல் தடுமாறுகிறது. தள்ளாட்டம் பெரிய அளவில் தெரிவதற்கு சிலகாலம் எடுக்கலாம் ஆனால் இந்தியாவை ஆட்சிசெய்யும் காங்கிரஸை சனியன் பிடித்துவிட்டது தெளிவாக தெரிகிறது. அத்துடன் அத்தனைக்கும் சகுனியாக நின்ற சோனியாவுக்கு புற்றுநோய் தாக்கி அமெரிக்க மருத்துவமனையில் அழுகிய பாகம் வெட்டி எறிந்ததாகவும் புற்று முற்றுமுழுதாக அப்புறப்படுத்த முடியவில்லை என்றும் காற்றில் அலையென கசிந்த செய்திகள் சொல்லுகின்றன. 

வஞ்சகமாக இனத்துரோகத்துக்கு துணை நின்ற. பசி எனப்படும் சிதம்பரம் ஸ்பெக்ரம் ஊழல் குற்றவாளி என்று, சு சுவாமி சிதம்பரத்தை பெரிய சிக்கலில் மாட்டி விட்டிருக்கிறார். சிதம்பரம் நிம்மதி துறந்து பல நாட்களாகிவிட்டன.

நடக்க திராணியற்றும் தள்ளு வண்டியில் சப்பாணியாக வலம்வந்து சோனியாவுக்கு உடுக்கு அடித்து ஊளையிட்டு நாடகமாடிய நாடகமணி கருணாநிதி,, சகலத்திலும் ஒதுக்கப்பட்டு சாவீட்டில் பெண்களின் ஒப்பாரியை விஞ்சும் விதத்தில் ஓலமிடுவது பார்க்க பரிதாபமாக இருந்தாலும் காலம் கண்ணை கட்டிக்கொண்டு தர்மத்தின் கட்டளையை நிறைவேற்ற முற்படுவதாகவே புலப்படுகிறது.

தர்மத்தின் வாழ்வுதனை சூது கௌவலாம் ஆனால் தர்மம் வெல்லும் அதுதானே கீதையின் விதியும். 

மீண்டும் சந்திப்போம்